德拉才旦，中国民俗摄影家协会会员，甘肃省美术家协会会员，甘肃民族师范学院客座教授，甘南藏族自治州非物质文化遗产鉴定专家，西藏大学艺术学院藏画专业教师，西藏凯珠文化传媒有限公司艺术总监。
本期特别推荐一组德拉才旦的最新美术作品。
ན་འབན་སྟག་ལྷ་ཚེ་བརྟན་ནི་སྤྱི་ལོ་1973ལོར་མདོ་སྨད་ཀན་ལྷོ་བོད་རིགས་རང་སྐྱོང་ཁུལ་བསང་ཆུ་རྫོང་དམེ་ཤུལ་ཡུལ་ཤོག་（ད་ལྟའི་སྒྱིས་ཚང་ཡུལ་ཤོག）ན་འབན་སྒོ་ཡག་སྡེ་བ་རུ་སྐྱེས། དེ་ཡང་སློབ་གྲྭ་ཆུང་འབྲིང་ཆེ་གསུམ་རིམ་པ་བརྒྱུད་དེ་1993ལོར་ལས་ཀར་ཞུགས་ཤིང་། ཀན་ལྷོ་བོད་རིགས་འབྲིང་རིམ་ཆེད་གཉེར་སློབ་གྲྭའི་རི་མོའི་དགེ་རྒན་བྱས། 1997ལོར་བོད་ལྗོངས་སློབ་གྲྭ་ཆེན་མོའི་སྒྱུ་རྩལ་སློབ་གླིང་དུ་དགེ་རྒན་ཆེན་མོ་བསྟན་པ་རབ་བརྟན་གཙོ་བྱས་རྒན་ཡེ་ཤེས་ཤེས་རབ་དང་དཀའ་ཆེན་བློ་བཟང་ཕུན་ཚོགས། ངག་དབང་འཇིགས་མེད། ཤེས་རབ་རྒྱལ་མཚན། སྐལ་བཟང་ཚེ་བརྟན། མི་ཉག་ཆོས་ཀྱི་རྒྱལ་མཚན་སོགས་དུས་རབས་འདིའི་རྩེར་སོན་སྒྱུ་རྩལ་བ་དུ་མ་དགེ་རྒན་དུ་བསྟེན་ནས་བོད་ཀྱི་སྲོལ་རྒྱུན་མཛེས་རྩལ་གྱི་རིག་པའི་གཞུང་ལུགས་དང་ལག་ལེན་ལ་སློབ་སྦྱོང་དཔྱིས་ཕྱིན་པ་མཛད། གནའ་དེང་གི་འཇིམ་བཟོ་ལ་མངའ་མཉེས་པའི་དགེ་རྒན་ཆེན་མོ་དཔལ་རི་བློ་བཟང་བཀྲ་ཤིས་ཀྱི་དྲུང་ནས་འཇིམ་བཟོ་ལ་བག་ཆགས་མི་དམན་པ་བཞག 2004ལོར་སྦྱང་འབྲས་ཕུལ་དུ་བྱུང་བའི་ངང་ཞིབ་འཇུག་སློབ་མའི་སློབ་མཐར་ཕྱིན།
2004ལོའི་ཟླ་9པར་ནུབ་བྱང་མི་རིགས་སློབ་གྲྭ་ཆེན་མོའི་མཛེས་རྩལ་སློབ་གླིང་དུ་དགེ་རྒན་བྱས། 2007ལོར་སློབ་གྲྭ་འདི་གར་བོད་ཀྱི་རི་མོའི་དངོས་གཞིའི་ཆེད་ལས་བཙུགས་ཤིང་ནུབ་བྱང་མི་རིགས་སློབ་གྲྭ་ཆེན་མོར་བོད་ཀྱི་རི་མོའི་ཆེད་ལས་མེད་པའི་ལོ་རྒྱུས་མཇུག་རྫོགས། 2008ལོར་《ཨ་མདོའི་གནའ་བོའི་མཛེས་རྩལ་ཤུལ་དངོས་སྐོར་ལ་དཔྱད་པ།》ཞེས་པའི་དེབ་དེ་ཀྲུང་གོའི་རིག་གནས་སྒྱུ་རྩལ་མཉམ་འབྲེལ་དཔེ་སྐྲུན་ཁང་གིས་དཔར་དུ་བསྐྲུན།（རྒྱ་ཡིག） 2009ལོར་《བོད་ཀྱི་ཐང་གའི་སློབ་དེབ།》ཞེས་པའི་དེབ་དེ་ཧེ་པེ་མཛེས་རྩལ་དཔེ་སྐྲུན་ཁང་གིས་དཔར་སྐྲུན་བྱས། དཔེ་དེབ་དེ་ནི་ཀྲུང་གོ་གྲངས་ཉུང་མི་རིགས་མཐོ་རིམ་སློབ་གྲྭའི་མཛེས་རྩལ་སློབ་གསོའི་གཅིག་གྱུར་བསླབ་དེབ་ཡིན་པར་མ་ཟད། རྒྱལ་ཁབ་ཀྱི་211ལས་གཞི་ལས་ཀྲུང་དབྱང་མི་རིགས་སློབ་གྲྭ་ཆེན་མོའི་བསླབ་གཞི་གལ་ཆེན་གྲས་སུ་ཡང་ཚུད་ཡོད། 2009ལོའི་ཟླ་6པར་སྟག་ལྷ་སྒྱུ་རྩལ་ལས་ཤག་བཙུགས་ཤིང་། དུས་མཉམ་དུ་ཀན་སུའུ་མཛེས་རྩལ་གླིང་དུ་ཀན་སུའུ་ཞིང་ཆེན་གྱི་ཐང་ག་རྒྱས་འགྲེམ་སྐབས་དང་པོ་སྤེལ། 2010ལོའི་སྤྱི་ཟླ་12པའི་ནང་རྒྱལ་ས་པེ་ཅིང་དུ་ཚོགས་པའི་རྒྱལ་སྤྱིའི་རིག་གནས་གསར་གཏོད་དང་ཐོན་དངོས་རྒྱས་འགྲེམ་ཚོགས་ཆེན་སྟེང་རི་མོ་འགྲེམ་སྟོན་བྱས་ཏེ་དགའ་བསུ་ཆེན་པོ་ཐོབ། 2010ལོའི་སྤྱི་ཟླ་12པའི་ནང་ཀྲུང་གོའི་སློབ་གསོ་བཅོས་སྒྱུར་ཨུ་ལྷན་ནས་2010ལོའི་རྒྱལ་ཡོངས་ཀྱི་ཕུལ་བྱུང་དགེ་རྒན་ཞེས་པའི་མཚན་སྙན་དང་གཟེངས་རྟགས་གསེར་ཕོར་གནང་། དུས་མཚུངས་སུ་《བོད་ཀྱི་མཛེས་རྩལ་གྱི་ཐོག་མའི་བྱུང་རིམ་སྐོར་ལ་དཔྱད་པ།》ཞེས་པའི་དཔྱད་རྩོམ་ལ་རྒྱལ་ཡོངས་སློབ་གསོའི་སྐོར་གྱི་དཔྱད་རྩོམ་འགྲན་སྡུར་ཁྲོད་བྱ་དགའ་ཨང་དང་པོ་ཐོབ།
2011ལོའི་སྤྱི་ཟླ་7པའི་ནང་རི་མོའི་བརྩམས་ཆོས་《སྲིད་པའི་ཁམས་ཀྱི་འོད་སྣང་།》དང་《རྟེན་འབྱུང་།》སོགས་ཨི་ཐྲ་ལའི་རྒྱལ་ས་རོམ་ནས་འགྲེམས་སྟོན་བྱས། 
ཤར་ཕྱོགས་རི་བོའི་རྩེ་ནས། །དཀར་གསལ་ཟླ་བ་ཤར་བྱུང་། །མ་སྐྱེས་ཨ་མའི་ཞལ་རས། །ཡིད་ལ་འཁོར་འཁོར་བྱས་བྱུང་། ། 仓央嘉措诗境唐卡（之一）
འབྲོང་གི་ཕ་ས། 《天国系列之·牦牛天国》油画
ཡེ་ཤེས་ཀྱི་སྤྱན། 《光的诞生》油画
འཕུར་སྐྱོད་ཀྱི་དུས་རབས། 《时代系列·腾飞》丙烯
