ཀྲུང་གོ་ལྷོ་རྒྱུད་ཀྱི་མཚོ་ཁུག་ཏུ་དུས་རབས་རང་བཞིན་གྱི་ལས་གྲྭ་ཀང་ཀྲུའུ་ཨའོ་ཟམ་ཆེན་གྱི་གཙོ་གནད་ལས་གྲྭ་ཡོངས་སུ་མཇུག་རྫོགས་སོང་།
        ཟམ་ཆེན་འདིའི་སྤྱིའི་རིང་ཚད་སྤྱི་ལེ་༥༥ཡོད་ལ་ཞང་ཀང་དང་ཨའོ་མིན། ཀྲུའུ་ཧེ་བཅས་ས་ཁུལ་གསུམ་འབྲེལ་ཡོད། དེར་གསེག་འཐེན་ལྕགས་ལེབ་ཀྱི་བཀོལ་ཚད་ནི་ངར་ལྕགས་ཏུན་འབུམ་༢དང་ཁྲི་༤ཡིན། དེ་ནི་ཨའེ་ཧྥེར་ལྕགས་ཀྱི་མཆོད་རྟེན་60བསྐྲུན་ཐུབ་པའི་འབོར་ཚད་ཡིན། སྨི་གྲུ་ལྷམ་པ་ཁྲི་108ཀྱི་ཨར་འདམ་བཀོལ་སྤྱོད་བྱས་ཡོད། དེའི་བཟོ་སྐྲུན་བྱེད་ཐབས་ནི་བསྒྲིག་ཤིང་ནང་བཞིན་རེ་རེ་བསྒྲིགས་པ་ཡིན།

        བཟོ་བཀོད་པ་རྣམས་ཀྱིས་ཟམ་པ་དེ་ནི་ཀྲུང་གོའམ་ཐ་ན་འཛམ་གླིང་སྟེང་གཞི་ཁྱོན་ཆེས་ཆེ་བ་མ་ཟད། ཆེས་ཚད་ལྡན་ཡིན་པ་དང་འགྲན་སློང་རང་བཞིན་ཆེས་ཆེ་བའི་མཚོ་བརྒལ་ཟམ་པའི་བཟོ་སྐྲུན་ཞིག་ཡིན་ཟེར། ཟམ་པ་དེས་ཀྲུང་གོའི་ལག་རྩལ་དང་སྒྲིག་ཆས། ཚན་ཞིབ་ཆུ་ཚད་སོགས་ཁྱབ་ཁོངས་གང་མང་ཐད་ནས་ཐོད་བརྒལ་བྱས་པ་མཚོན་ཡོད།

        ཀང་ཀྲུའུ་ཨའོ་ཟམ་ཆེན་དོ་དམ་ཅུས་ཀྱི་ཅུས་ཀྲང་གཞོན་པ་ཡའེ་ལེ་ནི་ཟམ་པ་འཛུགས་སྐྲུན་གྱི་ལས་ལ་ཞུགས་ནས་ལོ་སུམ་ཅུ་ལྷག་འགོར་ཡོད་ལ། ཟམ་ཆེན་དེའི་སྐོར་སྐད་ཆ་གླེང་དུས་ཁོ་བོའི་གདོང་ལ་འཛུམ་མདངས་རྒྱས་ཤིང་སེམས་ལ་དགའ་སྤྲོས་ཁེངས་འདུག 2004ལོར་ཟམ་པ་བསྐྲུན་འགོ་བརྩམས་པ་ནས་བཟུང་ཡའེ་ལེ་མགོ་འཇུག་བར་གསུམ་དུ་ཟམ་པ་དེའི་བཟོ་སྐྲུན་གྱི་ལས་ལ་ཞུགས། ཀང་ཀྲུའུ་ཨའོ་ཟམ་ཆེན་གྱིས་ང་ཚོར་འགྲིམ་འགྲུལ་གྱི་མཐུན་རྐྱེན་བསྐྲུན་པར་མ་ཟད། སྤྱི་ཚོགས་དང་དཔལ་འབྱོར། རིག་གནས། ཡུལ་སྐོར་སོགས་ཕྱོགས་གང་ཅིའི་ཐད་ནས་ནུས་པ་འདོན་བཞིན་ཡོད་ལ་འབྱུང་འགྱུར་མཚོ་ཁུག་ཆེ་ཁུལ་གྱི་འཛུགས་སྐྲུན་ལའང་དོན་སྙིང་གལ་ཆེན་ལྡན། ཡའེ་ལེ་ཡིས་ཟམ་ཆེན་འདི་ནི་འདས་སོང་གི་ལོ་རྒྱུས་དང་ད་ལྟའི་འབྲེལ་ལམ་ཡིན་ལ་མ་འོངས་པར་ཁ་ཕྱོགས་ས་ཞིག་ཀྱང་ཡིན་ཟེར།
        ཀང་ཀྲུའུ་ཨའོ་ཟམ་ཆེན་གྱི་འཛུགས་སྐྲུན་དེས་ལག་རྩལ་དང་དོ་དམ། ཁོར་ཡུག་སྲུང་སྐྱོབ་སོགས་ཀྱི་ཐད་ནས་སྟོང་ཆ་གང་མང་བསྐངས་ཡོད་པར་མ་ཟད། ཀྲུང་གོའི་འཛུགས་སྐྲུན་གྱི་ཁྱབ་ཁོངས་ནས་ཟིན་ཐོ་གསར་པ་མང་པོ་བསྐྲུན། ལྷག་པར་དུ་ཟམ་ཆེན་འཛུགས་སྐྲུན་དེ་རྒྱལ་ཁབ་གཅིག་དང་ལམ་ལུགས་གཉིས་ཀྱི་སྒྲོམ་གཞིའི་འོག་ས་ཁུལ་གསུམ་གྱིས་ལས་གཞིའི་སྟེང་འབྲེལ་གཏུག་མཐུན་སྦྱོར་ཇི་ལྟར་བྱ་དགོས་ཚུལ་དང་འབྱུང་འགྱུར་ཀང་ཏུང་དང་ཞང་ཀང་། ཨའོ་མིན་བཅས་གསུམ་གྱི་མཚོ་ཁུག་ཆེ་ཁུལ་འཛུགས་སྐྲུན་ལ་ཉམས་མྱོང་མཁོ་འདོན་བྱས་ཡོད་པ་རེད།
        ཡའེ་ལེ་ཡིས་ཀྲུང་གོ་ནི་ཟམ་པ་བཟོ་སྐྲུན་གྱི་རྒྱལ་ཁབ་ཆེ་ཤོས་ཤིག་ཡིན་ལ་ཟམ་པ་བཟོ་སྐྲུན་སྐོར་ལོ་རྒྱུས་ཀྱང་གྱ་ནོམ་པ་མཆིས། གནའ་ནས་ད་བར་ཟམ་པ་བཟོ་སྐྲུན་ནི་རང་རེའི་རྒྱལ་ཁབ་ཀྱི་འཕེལ་རྒྱས་ཁྲོད་དུ་གོ་གནས་གལ་ཆེན་ཟིན་ཡོད་ཅེས་ཟེར།

        རླངས་འཁོར་གཏང་ལ་ཉེ་བའི་ཀང་ཀྲུའུ་ཨའོ་ཟམ་ཆེན་ནི་ཤར་ནུབ་ཀྱི་ས་ཁུལ་གསུམ་དུ་སྦྲེལ་ཡོད་པས། ཀང་ཏུང་དང་ཞང་ཀང་། ཨའོ་མིན་བཅས་མཚོ་ཁུག་ཆེ་བ་ཁག་གི་གྲོང་ཁྱེར་གྱི་ཚོགས་འཕེལ་རྒྱས་བྱུང་བར་བསམ་བློ་གསར་བ་བཏོན།

        ཡང་ཡའེ་ལེ་ཡིས་ཀང་ཀྲུའུ་ཨའོ་ཟམ་ཆེན་དེ་ཟམ་པའི་བཟོ་སྐྲུན་ཐད་ཐུན་མོང་མ་ཡིན་པའི་མིང་བྱང་ཞིག་ཡིན་ལ། མ་འོངས་དོ་དམ་གྱི་ཕྱོགས་ནས་ཀྱང་ཐུན་མོང་མ་ཡིན་པའི་མིང་བྱང་ཞིག་ཡིན་སྲིད། བཟོ་སྐྲུན་དེས་ད་དུང་ཉམས་མྱོང་གསར་པསྐྲུན་བཞིན་ཡོད་ཅེས་ཟེར།

        1988ལོར། ཞང་ཀང་དུ་ཚོང་ལས་གཉེར་བཞིན་པའི་ཧི་ལའང་མའེ་ཀྲུའུ་ཧེ་རུ་མ་དངུལ་བཞག་སྟེ་བཟོ་གྲྭ་འཛུགས་འགོ་བརྩམས། ལོ་30ཡི་རིང་བདག་གཉེར་བྱས་པ་བརྒྱུད། ཐཱན་ཝེ་མ་རྐང་ཚོད་འཛིན་ཚད་ཡོད་སྤྱི་གཉེར་ཁང་ནི་འཛམ་གླིང་དུ་མིང་གྲགས་ཆེ་བའི་མཉམ་འདུས་དང་བསྐྱར་སྐྱེས་ཀྱི་སྤྱི་གཉེར་ཁང་སྤུས་ལེགས་ཅན་དུ་གྱུར། ཧི་ལའང་མའེ་རྒྱུན་པར་གྲུ་གཟིངས་དང་རླངས་འཁོར་སོགས་ལ་བསྡད་ནས་ས་ཁུལ་གསུམ་དུ་འགྲོ་འོང་བྱ་དགོས་ལ། ལམ་ཐག་རིང་བས་དཀའ་ངལ་ཆེན་པོ་མྱོང་བཞིན་ཡོད། ཡའེ་ལེ་ཡིས་སྔོན་ཆད་གནམ་གྲུའི་ལན་གྲངས་ད་ལྟ་བཞིན་མང་པོ་མེད་ལ། སྐབས་འགར་རྒྱ་མཚོའི་རླུང་འཚུབ་ཡོད་པས་གྲུ་གཟིངས་ཀྱང་གཏོང་མི་ཐུབ། དེར་བརྟེན། ང་ཚོས་གཞུང་ལམ་སྟེང་ནས་སྐོར་བ་ཆེན་པོ་བརྒྱབ་སྟེ་འགྲོ་དགོས་ཐུག་ཡོད་ཅེས་ཟེར།
        ཀང་ཀྲུའུ་ཨའོ་ཟམ་ཆེན་ལས་མཚམས་བཞག་པ་བརྒྱུད་ཀྲུའུ་ཧེ་ནས་ཞང་ཀང་བར་དུས་ཚོད་ཕྱེད་ཀ་ཙམ་མ་གཏོགས་འགྲོ་མི་དགོས་པས་ཁྱིམ་དུ་ལོག་པའི་ལམ་ཐག་ཇེ་ཉེ་རུ་ཕྱིན་ཡོད། ཀང་ཀྲུའུ་ཨའོ་ཟམ་པས་མྱུར་ཚད་དང་གསོན་ཤུགས། འབྱུང་འགྱུར་སོགས་མི་རྣམས་ལ་རེ་བ་མང་པོ་བསྐང་ཡོད། ཟམ་ཆེན་གནས་པའི་ཆུ་ཁོངས་དེ་ནི་འཛམ་གླིང་སྟེང་ཆེས་བྲེལ་འཚུབ་ཆེ་བའི་ཆུ་ཁོངས་ཀྱི་གྲས་ཤིག་ཡིན་ཏེ། ཉིན་རེར་གྲུ་གཟིངས་4000ལྷག་འགྲོ་འོང་བྱེད་བཞིན་ཡོད། ཞང་ཀང་གནམ་གྲུ་ཐང་དུའང་སྐར་མ་འགའི་ནང་གནམ་གྲུ་འཕུར་ཐེངས་རེ་ཡོད། པུའུ་ལུའུ་ཁི་ལིན་ཟམ་ཆེན་གྱིས་ལུའུ་ཡེའི་མཚོ་ཁུག་ཆེ་ཁུལ་གྱི་འཕོ་འགྱུར་མཚོན་པ་བཞིན་ཀང་ཀྲུའུ་ཨའོ་ཟམ་ཆེན་གྱིས་ཀྱང་ཀང་ཏུང་དང་ཞང་ཀང་། ཨའོ་མིན་བཅས་ཀྱི་མཆོང་སྐྱོད་རང་བཞིན་གྱི་འཕེལ་རྒྱས་ལ་བདེན་དཔང་བྱས་ཡོད་དོ། །