འཐུས་མི་རྣམས་ཀྱིས་ནན་གྱིས་སྲིད་གཞུང་བྱ་བའི་སྙན་ཞུ་ལ་གསན་བཞིན་པ།

        སྤྱི་ཟླ་དང་པོའི་ཚེས་26ཉིན་གྱི་སྔ་དྲོར།  སི་ཁྲོན་ཞིང་ཆེན་གྱི་སྐབས་བཅུ་གསུམ་པའི་མི་དམངས་འཐུས་མི་ཚོགས་ཆེན་གྱི་གྲོས་ཚོགས་ཐེངས་དང་པོ་ཁྲེང་ཏུའུ་རུ་ཚོགས་འགོ་བརྩམས། སྐབས་གསར་པའི་ཞིང་ཆེན་གྱི་མི་དམངས་འཐུས་མི་800ལྷག་གིས་ཞིང་ཆེན་ཡོངས་ཀྱི་མི་དམངས་ཀྱི་བཀའ་མངག་གལ་ཆེན་ཕྲག་ཏུ་ཁུར་བ་དང་།  སྤོབས་པ་ཆེར་བསྐྱེད་ཀྱིས་ཅིན་ཅང་ཚོགས་ཁང་ཆེན་མོ་རུ་ཕེབས་ནས་རང་འགན་གཙང་བསྒྲུབས་ཀྱིས་མཛེས་སྡུག་འབྱོར་ལྡན་པའི་འཆམ་མཐུན་གྱི་སི་ཁྲོན་འཛུགས་སྐྲུན་ལ་ཐབས་འབུལ་ཤུགས་འདོན་གནང་། །