མི་ཉག་མཛེས་ལྗོངས་ཁུལ་ལ་རྒྱལ་ཁབ་ཀྱིAབཞི་རིམ་པའི་ཆོག་མཆན་ཐོབ་པ།
ཡོང་ཁུངས། ཁམས་པའི་དྲ་བ།
སྤེལ་དུས།: ༢༠༡༨ ལོའི་ཟླ་ ༡ ཚེས་ ༡༨
མི་ཉག་གནས་མཆོག་མཛེས་ལྗོངས་ཁུལ་དེ་དཀར་མཛེས་ཁུལ་ཡུལ་སྐོར་མཛེས་ལྗོངས་སྤུས་ཚད་རིམ་པ་དཔྱད་བསྡུར་ཨུ་ཡོན་ལྷན་ཁང་གིས་འོས་སྦྱོར་ངོ་སྤྲོད་བྱས་པར་བརྒྱུད། སི་ཁྲོན་ཞིང་ཆེན་མཛེས་ལྗོངས་དཔྱད་བསྡུར་གཞུང་ལས་ཁང་གིས་ཞིབ་བཤེར་དཔྱད་བསྡུར་གྱི་འཆར་གཞིའི་ནང་བཞག་པ་རེད། 2017ལོའི་སྤྱི་ཟླ་11པའི་ཚེས་10ཉིན་ནས་16ཉིན་གྱི་བར་མི་ཉག་གནས་མཆོག་མཛེས་ལྗོངས་ཁུལ་དེ་རྒྱལ་ཁབ་ཀྱིAབཞི་རིམ་པའི་མཛེས་ལྗོངས་ཁུལ་འཛུགས་སྐྱོང་བྱ་རྒྱུའི་ཐད་དྲ་བ་ཐོག་ཡོངས་བསྒྲགས་བྱས་ཏེ་བསམ་འཆར་བསྡུ་ལེན་བྱས་མཐར། མི་ཉག་མཛེས་ལྗོངས་ཁུལ་དེ་རྒྱལ་ཁབ་ཀྱིAབཞི་རིམ་པའི་མཛེས་ལྗོངས་ཁུལ་གྱི་ཚད་གཞིའི་ཐོག་སླེབས་པས་རྒྱལ་ཁབ་ཀྱིAབཞི་རིམ་པའི་ཡུལ་སྐོར་མཛེས་ལྗོངས་ཁུལ་དུ་ཆོག་མཆན་ཐོབ་པ་རེད། །