ཨ་མེ་རི་ཁ་དང་དབྱིན་ཇི། འཇར་མན། ཧྥ་རན་སི། ཨི་ཐ་ལི་བཅས་རྒྱལ་ཁབ་ལྔས་ཨུ་རུ་སི་ལ་བཀག་སྡོམ་བྱེད་ཐབས་གསར་བ་ལག་བསྟར་བྱེད་པར་གཅིག་མཐུན་བྱུང་།
ཡོང་ཁུངས།
སྤེལ་དུས།: ༢༠༡༤ ལོའི་ཟླ་ ༧ ཚེས་ ༣༡
རྒྱལ་ཁབ་ལྔ་པོས་མ་ལེ་ཞི་ཡའི་འགྲུལ་སྐྱེལ་གནམ་གྲུ་སར་ལྷུང་བའི་དོན་རྐྱེན་ལ་རྟོག་ཞིབ་བྱེད་པར་བཀག་རྒྱ་ཐེབས་པའི་གནས་ཚུལ་འོག་ཡུག་རེན་ཉམས་ཉེན་གྱི་གནས་ཚུལ་གསར་པར་གྲོས་བསྡུར་བྱས། ཕོ་བྲང་དཀར་པོས་བཤད་རྒྱུར། རྒྱལ་ཁབ་ལྔ་ཡིས་རྒྱལ་སྤྱིའི་རྟོག་ཞིབ་མི་སྣས་ངེས་པར་དུ་བཀག་རྒྱ་མེད་པའི་སྒོ་ནས་གནམ་གྲུ་སར་ལྷུང་སའི་ཡུལ་དངོས་སུ་རྟོག་ཞིབ་བྱེད་དགོས་པ་ནན་བཤད་བྱས། རྒྱལ་ཁབ་ལྔ་ཡིས་བལྟས་ན། གནམ་གྲུ་སར་ལྷུང་བའི་དོན་རྐྱེན་བྱུང་རྗེས། ཨུ་རུ་སིའི་མཚོན་ཆ་དང་སྒྲིག་ཆས། འཐབ་འཛིང་གནམ་གྲུ་བཅས་མུ་མཐུད་དུ་ཡུག་རེན་དུ་དར་བཞིན་ཡོད་པ་དང་། རྒྱལ་ཁབ་ལྔ་ཡིས་ཨུ་རུ་སི་ལ་བཀག་སྡོམ་བྱེད་ཐབས་གསར་བ་སྤྱོད་པའི་ཐད་ནས་བསམ་ཚུལ་མཐུན་སྦྱོར་བྱས་ཏེ། ཨུ་རུ་སི་ཡིས་ཡུག་རེན་གྱི་བརྟན་འཇགས་ལ་གཏོར་བརླག་གཏོང་མཚམས་འཇོག་སྟེ་ཕྱི་འབྲེལ་གྱི་ཐབས་ལ་བརྟེན་ནས་ཉམས་ཉེན་ཐག་གཅོད་བྱ་དགོས་པའི་སྐུལ་མ་བཏང་། །