དཔལ་ལྷ་མོའི་དུས་ཆེན་ལ་རོལ་བ།
ཡོང་ཁུངས། ཀྲུང་གོའི་བོད་ལྗོངས་དྲ་བ།
སྤེལ་དུས།: ༢༠༡༧ ལོའི་ཟླ་ ༡༢ ཚེས་ ༦
ལྷ་མོའི་དུས་ཆེན་གྱི་མིང་གཞན་ལ་“དཔལ་ལྷ་མོའི་དུས་ཆེན་”ཟེར་བ་དང་། བོད་རིགས་དམངས་ཁྲོད་དུ་ངག་རྒྱུན་འདི་འདྲ་ཞིག་ཡོད་སྟེ། གཙུག་ལག་ཁང་གི་སྲུང་མ་ཆེན་མོ་དཔལ་ལྡན་དམག་ཟོར་རྒྱལ་མོའི་བུ་མོ་ཆེ་བ་དཔལ་ལྷ་དྲག་མོས་བག་མེད་འཆལ་སྤྱོད་དང་ཨ་མའི་ཁ་ཏ་ལ་མི་ཉན་པས། ཨ་མས་ཁོ་མོ་ལོ་རེ་ཁྱོ་ག་ཆོས་སྐྱོང་རྫོང་བཙན་དང་ཐུག་འཕྲད་ཐེངས་གཅིག་ལས་བྱ་མི་ཆོག་པར་བྱས།
“ལྷ་མོའི་དུས་ཆེན་”ནི་བོད་ཀྱི་བུད་མེད་རྣམས་ལ་གཏོགས་པའི་དུས་ཆེན་ཞིག་ཡིན། ཁོ་མོ་ཚོས་དཔལ་ལྷ་མོའི་མདུན་དུ་ཞབས་བྲོ་འཁྲབ་པ་དང་ནས་ཆང་འཐུང་བ། གླུ་ལེན་གར་རྩེད་ཀྱིས་ལྷ་མོའི་བྱམས་བརྩེ་ལ་མྱོང་བ་དང་སྔར་སོང་ལོ་ཟླའི་ནང་ལྷ་མོས་མགོན་སྐྱབས་གནང་བར་གསོལ་མཆོད་བྱེད། ཉིན་དེ་ནི་དད་ལྡན་བུད་མེད་ཚོའི་སྤྲོ་ཚོགས་ཆེན་པོ་ཞིག་ཡིན། བུད་མེད་ཚོ་སླེབས་ས་གང་སར་གླུ་དབྱངས་དང་དགའ་སྤྲོ་ཡིས་ཁེངས་ཡོད།
“ལྷ་མོའི་དུས་ཆེན་”ད་ལྟའི་བར་དུ་དར་ཁྱབ་བྱུང་བ་དང་རིམ་གྱིས་དགའ་རོགས་དུས་ཆེན་གྱི་རྣམ་པས་ཁེངས་ཡོད། ལ་ལས་“བོད་ལུགས་ཀྱི་དགའ་རོགས་དུས་ཆེན་”ཞེས་འབོད། བུ་མོ་ཆུང་ཆུང་ཚོས་རང་ཉིད་དགའ་རོགས་བཟང་པོ་ཞིག་དང་འཕྲད་པར་སྨོན་ལམ་འདེབས།
“ལྷ་མོའི་དུས་ཆེན་”གྱི་ཉིན་དེར། གཙུག་ལག་ཁང་དུ་སླེབས་ནས་བསང་གཏོང་བ་དང་སྨོན་ལམ་འདེབས་པ། དཔལ་ལྷ་མོར་མཇལ་བའི་དད་ལྡན་མང་ཚོགས་དུས་རྒྱུན་ལས་ལྡབ་འགས་མང་། དད་ལྡན་མང་ཚོགས་རྣམས་ཀྱི་གནས་མཇལ་བདེ་འཇགས་ངང་བྱེད་པ་ལ་འགན་ལེན་དང་མི་ཚང་མའི་བསམ་འདུན་འགྲུབ་ཆེད། དགོན་པའི་དོ་དམ་ཚོགས་པ་དང་འབྲེལ་ཡོད་སྡེ་ཚན་གྱི་ལས་བྱེད་མི་སྣས་དད་ལྡན་མང་ཚོགས་ཀྱིས་ཆོས་མཇལ་འགོ་མ་ཚུགས་གོང་ནས་ཞབས་ཞུ་འགན་སྲུང་ལས་དོན་ལེགས་པར་བསྒྲུབས། གསར་འགོད་པས་མཐོང་བ་ལྟར་ན། མེ་གསོད་རུ་མི་འགའ་ཞིག་ཡིས་བསང་ཁུང་གི་འགྲམ་དུ་དད་ལྡན་མང་ཚོགས་རྣམ་པར་བདེ་འཇགས་ལ་དོ་སྣང་དགོས་པར་གསལ་འདེབས་ཡང་ཡང་བྱེད་པ་དང། མཚམས་ལར་བསང་ཁུང་གི་ཐལ་བ་གཙང་བཤེར་བྱེད། གཙུག་ལག་ཁང་གི་ཐང་ཆེན་དུ་གཙང་སྦྲ་བ་མང་པོ་བཀོད་སྒྲིག་བྱས་ཏེ་དུས་ཐོག་ཏུ་མང་ཚོགས་ཀྱིས་དབྱུག་པའི་གད་སྙིགས་གཙང་དག་བྱེད། ལྷ་ལྡན་གཙུག་ལག་ཁང་གི་སྒོ་འགྲམ་དུ་དེང་རབས་ཅན་གྱི་གཙང་ཕྱག་རླངས་འཁོར་འགའ་བྲེལ་བ་ཤིན་ཏུ་ཆེ།།