སྲིད་པའི་ཕང་བར་མཛེས་སྡུག་གིས་འཁྱིལ་བའི་མཁའ་ལུང་ཁོག

        མཁའ་ལུང་ཁོག་ནི་གཟི་རྩ་སྡེ་དགུ་གཉིས་པའི་མཚན་གྱིས་གསོས་ཏེ་ཁྲོ་ཆུ་རྫོང་མི་ཙ་ཡུལ་ཚོའི་ཁོངས་སུ་ཡོད། མཁའ་ལུང་ལ་ཡུལ་དེའི་མི་རྣམས་ཀྱིས་མེ་ཏོག་ཅེས་པའི་དོན་དང་། མཁའ་ལུང་ཁོག་ལ་མེ་ཏོག་གི་ཞིང་ཁམས་ཞེས་པའི་དོན་ཡོད་འདུག  
        ཁྲོ་ཆུ་རྫོང་དམུ་དགེ་ཆུ་གློག་ས་ཚིགས་བརྒྱུད་དེ་མཁའ་ལུང་ཁོག་ཏུ་བསྐྱོད་ཚེ། ཆུ་མཛོད་དེ་རི་བོའི་པང་དུ་ལྷོད་ཀྱིས་འཁྱིལ་བས་ཡིད་ཀྱི་བརྟན་པ་དབང་མེད་འཕྲོག་པར་བྱེད།