རིག་གནས་རྒྱུན་འཛིན་དང་དར་སྤེལ་བཏང་ནས་དམངས་འཚོར་ཕན་པ་བསྐྲུན།

        ཐང་ག་འབྲི་བཞེངས་ལག་རྩལ་ལ་ལོ་རྒྱུས་ཡུན་རིང་ལྡན་ཞིང་བོད་ཀྱི་རིག་གནས་ཁྲོད་གནས་བབ་གལ་ཆེན་ཞིག་བཟུང་ཡོད།  ཉེ་བའི་ལོའི་ནང་རང་ལྗོངས་ཀྱི་ཐང་ག་འབྲི་བཞེངས་ལག་རྩལ་དར་སྤེལ་ཤུགས་ཆེ་འགྲོ་བ་དང་བསྟུན་ཏེ།  ཐང་ག་མང་པོ་ཞིག་ལ་ཁྲོམ་རའི་ཐོག་དགའ་བསུ་ཆེན་པོ་ཐོབ་ནས་ཐོན་ལས་ཅན་གྱི་འཕེལ་རྒྱས་ལམ་བུར་ཁ་ཕྱོགས་ཐུབ་པ་མ་ཟད་དཔལ་འབྱོར་གྱི་ཡོང་སྒོ་ཡང་ཆེ་རུ་ཕྱིན་ཡོད། 

        སྟག་རྩེ་བཟོ་ལས་གླིང་ནི་ལྷ་ས་གྲོང་ཁྱེར་སྟག་རྩེ་རྫོང་གི་ནུབ་ངོས་ནས་བར་ཐག་སྤྱི་ལེ་གཅིག་གི་མཚམས་སུ་གནས་ཡོད་པ་དང་།  བཟོ་ལས་གླིང་དེའི་འཆར་འགོད་ཀྱི་སྤྱིའི་རྒྱ་ཁྱོན་ལ་སྤྱི་ལེ་ངོས་སྙོམས་གྲུ་བཞི་མ་6.01ཡོད་པ་དང་།  དེ་ནི་སྟག་རྩེ་རྫོང་གི་ཚོང་འགུག་མ་འདྲེན་བྱེད་སའི་གཙོ་བོའི་གྲུབ་ཆ་ཞིག་དང་སྟེགས་བུ་ཞིག་ཀྱང་རེད།  ཁེ་ལས་ཀྱི་རྨང་གཞིའི་སྒྲིག་བཀོད་དང་འཁོར་ཁང་གི་འཛུགས་སྐྲུན་རྣམས་མི་རིགས་ཀྱི་ཁྱད་ཆོས་ཆེན་པོ་ལྡན་ཡོད་པས།  སྟག་རྩེ་རྫོང་གི་འཛུགས་སྐྲུན་ཁྲོད་ཁྱད་ཆོས་འབུར་དུ་ཐོན་པའི་ཡུལ་ལྗོངས་ཞིག་ཏུ་གྱུར་ཡོད།།