"མཁའ་དབྱིངས་ཀྱི་བོད་ལྗོངས། མི་ཡུལ་གྱི་གནས་མཆོག"ཅེས་པའི་གྲངས་གཞིའི་སྒྱུ་རྩལ་འགྲེམས་སྟོན་མོ་སི་ཁོ་གྲོང་ཁྱེར་དུ་སྤེལ་འགོ་ཚུགས་པ།
ཡོང་ཁུངས། མི་དམངས་དྲ་བ།
སྤེལ་དུས།: ༢༠༡༧ ལོའི་ཟླ་ ༩ ཚེས་ ༢༩
ཨུ་རུ་སུ་དང་ཀྲུང་གོ་མཛའ་བརྩེ་མཐུན་ཚོགས་ཀྱི་ཀྲུའུ་ཞི་གཞོན་པ་དང་པོ་ཅ་ལི་ནཱ་•ཁུ་ལི་ཁོ་ཝ་ཡིས་འགོ་ཚུགས་མཛད་སྒོ་རུ་ཤིས་ཚིག་གསུངས་ནས་ལོ་མང་རིང་གི་འཛུགས་སྐྲུན་དང་འཕེལ་རྒྱས་བཏང་བ་བརྒྱུད་བོད་ལྗོངས་ཀྱི་སྤྱི་ཚོགས་དང་དཔལ་འབྱོར་ལ་ཡར་རྒྱས་ཧ་ཅང་ཆེན་པོ་བྱུང་བ་རེད། བོད་རང་སྐྱོང་ལྗོངས་སྲིད་གཞུང་གིས་བོད་ཀྱི་རིག་གནས་ཀྱི་དམིགས་བསལ་རང་བཞིན་རྒྱུན་འཛིན་བྱས་པ་དང་དུས་མཚུངས་སུ་འོས་འགན་སློབ་གསོ་སྤེལ་ཤུགས་ཆེ་རུ་བཏང་ནས་ལོ་15ཡི་སློབ་ཡོན་མི་དགོས་པའི་སློབ་གསོ་མངོན་འགྱུར་བྱུང་བ་དང་། གྲོང་མི་རྣམས་ཀྱི་འཚོ་བ་བཟང་ཚད་དང་སློབ་གསོ་སྤུས་ཚད་མཐོ་རུ་མངོན་གསལ་བྱུང་བ་རེད་ཅེས་བརྗོད་པ་རེད།
མཁའ་དབྱིངས་ཀྱི་བོད་ལྗོངས་ཞེས་པའི་གྲངས་ཀའི་སྒྱུ་རྩལ་འགྲེམས་སྟོན་འདི་ནི་ཀྲུང་གོའི་སྤོ་སྒུལ་འཕྲིན་གཏོང་ཚོགས་པ་བོད་ལྗོངས་ཚད་ཡོད་ཀུང་སི་དང་། ཤིན་ཧྭ་གསར་འགྱུར་ཁང་གི་གསར་འགྱུར་ཆ་འཕྲིན་ལྟེ་གནས། མོ་སི་ཁོ་ཀྲུང་གོའི་རིག་གནས་ལྟེ་གནས་བཅས་ཀྱིས་མཉམ་འབྲེལ་བྱས་ཏེ་གཙོ་གཉེར་བྱས་པ་ཡིན་ཞིང་། འགྲེམས་སྟོན་དུས་ཡུན་ཉིན་ལྔ་ཡིན་པ་དང་། ཟླ་འདིའི་ཚེས་29ཉིན་མཇུག་བསྒྲིལ་རྒྱུ་རེད།།