བཀྲས་ལྷུན་དགོན་དུ“ གཟིགས་མོ་ཆེན་པོའི”ལྷ་འཆམ་དུས་ཆེན་སྤེལ།
ཡོང་ཁུངས། ཀྲུང་གོའི་བོད་ལྗོངས་དྲ་བ།
སྤེལ་དུས།: ༢༠༡༧ ལོའི་ཟླ་ ༩ ཚེས་ ༢༨
སྒོ་རའི་ཕྱི་ནང་ཀུན་ཏུ་དུང་སྐད་དང་ཆོས་སྐད། རྔ་སྒྲ་སོགས་ལྷང་ལྷང་དུ་གྲགས་ཏེ་ལྷ་འཆམ་གྱི་འཁྲབ་སྟོན་དངོས་སུ་མགོ་ཚུགས།
པར་འདི་ནི་གྲྭ་པས་དུང་ཆེན་འབུད་པའི་རྣམ་པ་རེད།
པར་འདི་ནི་གྲྭ་པས་ཆོས་འདོན་པའི་རྣམ་པ་རེད།
མགོར་བ་གླང་དང་ཤྭ་བའི་ཞལ་འབག་གྱོན་པའི་གྲྭ་པས་དེའི་རྗེས་མཐུད་ནས་ཡོང་ཞིང་། ཁོ་ཚོ་སྐབས་ལངས་ནས་འདུག་པ་དང་སྐབས་རེར་འཁོར་འཁོར་བྱེད།
སྣ་མང་ཕུན་སུམ་ཚོགས་པའི་གར་སྟབས་ཀྱི་ཉམས་འགྱུར་ལ་ལྟད་མོ་བ་ཚོས་བསྔགས་བརྗོད་ཡང་ཡང་བྱེད་ཀྱི་ཡོད།
ཞབས་བྲོ་འཁྲབ་པའི་གྲྭ་པ་རྣམས་ཀྱིས་འཁྲབ་ཚར་རྗེས། ལྐུགས་གར་འཁྲབ་སྟོན་བྱེད་པའི་གྲྭ་པས་ལུས་སུ་མཐུག་ཅིང་ལྗིད་པའི་ཕྱུ་པ་གྱོན་ཏེ་དགོད་བྲོ་བའི་ངང་ཡོང་བ།
པར་རིས་འདི་ནི་བཞད་གད་འཁྲབ་སྟོན་པས་མེ་ཞགས་གོར་མོ་ལྡིང་བའི་རྣམ་པ་རེད།
པར་རིས་འདི་ནི་བཞད་གད་འཁྲབ་སྟོན་པས“རྟ་ཞོན”མེ་ཞགས་གོར་མོ་ལྡིང་བའི་རྣམ་པ་རེད།
ཉིན་གསུམ་རིང་གི་ལྷ་འཆམ་དུས་ཆེན་གྱི་དམིགས་ཡུལ་ནི་གནོད་ཟློག་གེགས་སེལ་དང་རྒྱལ་དམངས་བདེ་སྐྱིད། ཆར་ཆུ་དུས་སུ་འབབ་པའི་སྨོན་ལམ་འདེབས་པ་ཡིན།
“ གཟིགས་མོ་ཆེན་པོའི”ལྷ་འཆམ་དུས་ཆེན་ནི་པཎ་ཆེན་སྐུ་ཕྲེང་བདུན་པ་བསྟན་པའི་ཉི་མས་དར་སྤེལ་བཏང་བ་ནས་བཟུང་ད་ལྟའི་བར་དུ་ལོ་ངོ་200ལྷག་གི་ལོ་རྒྱུས་ཡོད།
ལོ་རེའི་ལྷ་འཆམ་དུས་ཆེན་གྱི་སྐབས་སུ་བཀྲས་ལྷུན་དགོན་གྱི་གྲྭ་པ་རྣམས་ཀྱིས་རྡོ་རྗེ་དང་། ཐོད་སྐམ། ཤ་བ་གླང་མགོ་དང་། དགེ་སློང་། བྱ་རོག་དང་འུག་པ། ཚེ་རིང་རྣམ་དྲུག་སོགས་རིགས་མི་མཐུན་པ་བཅུ་ལྷག་གི་འཆམ་རྩེ་བ་ཡིན།
པར་རིས་འདི་ནི་སྨྱུ་གུས་ལྷ་འཆམ་འཁྲབ་པའི་རྣམ་པ་རི་མོར་འབྲི་བའི་ལྟད་མོ་བ་ཡིན།
པར་རིས་འིད་ནི་བློ་རྩེ་གཅིག་སྒྲིམ་གྱིས་འཆམ་ལ་ལྟ་བའི་ས་གནས་དེ་གའི་མང་ཚོགས་ཡིན།