ཡོང་ཁུངས། བོད་ལྗོངས་ཉིན་ཚགས།
སྤེལ་དུས།: ༢༠༡༧ ལོའི་ཟླ་ ༩ ཚེས་ ༢༦
ཉེ་བའི་ལོ་ཤས་རིང་། ནག་ཆུ་ས་ཁུལ་ལྷ་རི་རྫོང་གིས་བོད་ཀྱི་གསོ་བ་རིག་པའི་ཐོན་ཁུངས་ཀྱི་ལེགས་ཆར་བརྟེན་ནས་རོགས་སྐྱོར་བྱེད་ཤུགས་ཆེ་རུ་བཏང་སྟེ་བོད་ཀྱི་གསོ་བ་རིག་པའི་ལས་རིགས་འཕེལ་རྒྱས་དང་སྟོབས་ཆེར་ཧུར་ཐག་བཏང་ཡོད། “ཀུང་སི་＋རྟེན་གཞི＋ཞིང་དུད”ཀྱི་འཕེལ་རྒྱས་ཐབས་ཇུས་མཐའ་འཁྱོངས་བྱས་ནས་བོད་སྨན་སྨན་རྒྱུ་མི་ཐབས་ལ་བརྟེན་ནས་འདེབས་གསོ་བྱེད་པའི་ལག་རྩལ་ཞིབ་སྤེལ་དང་ཁྱབ་གདལ་ལ་ཤུགས་སྣོན་བརྒྱབ་པ་དང་། བོད་སྨན་སྨན་རྒྱུའི་ཐོན་སྐྱེད་རྟེན་གཞི་འཛུགས་སྐྲུན་བྱེད་ཤུགས་ཆེ་རུ་བཏང་བ། བོད་སྨན་སྨན་རྒྱུའི་འདེབས་ཁྱོན་ཆེ་རུ་བཏང་ནས་བོད་སྨན་སྨན་རྒྱུའི་ཐོན་ཁུངས་ཀྱི་ལེགས་ཆ་ཐོན་རྫས་ལེགས་ཆ་དང་དཔལ་འབྱོར་གྱི་ལེགས་ཆར་འགྱུར་བར་སྐུལ་འདེད་བཏང་།།
