ཡོང་ཁུངས། མི་དམངས་དྲ་བ།
སྤེལ་དུས།: ༢༠༡༧ ལོའི་ཟླ་ ༩ ཚེས་ ༨
ཟླ་9ཚེས་5ཉིན་ནས་ཚེས་7ཉིན་བར། རྒྱལ་ཡོངས་ལུས་རྩལ་འགྲན་ཚོགས་ཀྱི་རྟ་རྩལ་འགྲན་ཚན་གསུམ་གྱི་ཚོགས་པའི་འགྲན་བསྡུར་དང་མི་སྒེར་གྱི་འགྲན་བསྡུར་སྤེལ་བ་རེད། འགྲན་བསྡུར་ནང་བོད་རང་སྐྱོང་ལྗོངས་ཀྱི་རྟ་པ་སྤེན་པ་ཚེ་རིང་དང་། སྐལ་བཟང་ཕུན་ཚོགས། བསྟན་འཛིན་ཕུན་ཚོགས། བསྟན་འཛིན་བློ་ལྡན་གསུམ་གྱིས་ཉིན་གསུམ་རིང་འགྲན་བསྡུར་བྱས་མཐར། འགྲན་ཚན་དེའི་ཚོགས་པའི་འགྲན་བསྡུར་གྱི་ཨང་གསུམ་པ་བླངས་ནས་བོད་རང་སྐྱོང་ལྗོངས་ཀྱི་ལུས་རྩལ་འཐུས་མི་ཚོགས་པར་ཡང་བསྐྱར་ཟངས་ཀྱི་རྟགས་མ་ཞིག་བསྣན་པ་རེད། གཞན་ཡང་སྤེན་པ་ཚེ་རིང་ལ་འགྲན་ཚན་དེའི་མི་སྒེར་གྱི་འགྲན་བསྡུར་ཁྲོད་ཨང་བཞི་པ་ཐོབ་པ་རེད། པར་འདི་ནི་བོད་རང་སྐྱོང་ལྗོངས་ཀྱི་རྟ་པ་སྐལ་བཟང་ཕུན་ཚོགས་ཀྱིས་རྟ་རྩལ་འགྲན་ཚན་གསུམ་གྱི་ཚོགས་པའི་འགྲན་བསྡུར་ནང་འགྲན་བསྡུར་བྱེད་བཞིན་ཡོད་པ།།
