ལྷ་སའི་ཞོ་སྟོན་དགའ་གཏོང་བྱེད་པ།
ཡོང་ཁུངས། ངེད་དྲ་བ།
སྤེལ་དུས།: ༢༠༡༧ ལོའི་ཟླ་ ༨ ཚེས་ ༢༣
ཞོགས་པའི་ཆུ་ཚོད་བདུན་དང་ཕྱེད་ཀ་ལྷག་ཙམ་ལ། ཆར་ཟིམ་ཟིམ་དུ་འབབ་ཅིང་། དགེ་འདུན་པ་བརྒྱ་ལྷག་དང་དད་ལྡན་མི་ཚོགས་ཀྱིས་སྨི་གྲུ་བཞི་མ་སྟོང་ཡན་ཟིན་པའི་རྒྱལ་བ་བྱམས་པའི་ཞལ་ཐང་བཏེག་ཏེ་དལ་མོའི་ངང་འབྲས་སྤུངས་དགོན་རྒྱབ་རི་སྐེད་ཀྱི་གོས་སྐུ་གཤོམ་སྟེགས་ཕྱོགས་སུ་འགྲོ་བཞིན་ཡོད། སྐབས་དེར། གོས་སྐུ་གཤོམ་སྟེགས་འོག་ཏུ་མི་ཚོགས་བགྲང་གི་མི་ལངས་པ་དང་འདུས་ཡོད་ལ། བསང་དུད་ལང་ལོང་དུ་འཕྱུར་བཞིན་ཡོད།
ཤེས་རྟོགས་བྱུང་བར་གཞིགས་ན། ད་ལོའི་ཞོ་སྟོན་ནི་ཟླ་8ཚེས་21ཉིན་ནས་ཚེས་27ཉིན་བར་གཏང་རྒྱུ་ཡིན་པ་དང་། ཐེངས་འདིའི་ཞོ་སྟོན་གྱི་རིང་ལ། ལྷ་ས་གྲོང་ཁྱེར་དུ་ལྷ་མོའི་ཟློས་གར་འཁྲབ་སྟོན་དང་གནམ་མཚོའི་རྐང་ཐང་ཚོགས་ཆེན་སྐབས་བཅུ་གཅིག་པ། ཀྲུང་གོའི་ལྷོ་ནུབ་ཞིང་ལྗོངས་གྲོང་ཁྱེར་དྲུག་གི་བརྙན་ལེན་འགྲེམས་སྟོན། དགའ་སྤྲོ་འཁོལ་བའི་ཞོ་སྟོན་ཏེ“ཞོ་དང་། ཞིམ་ཟས། རོལ་དབྱངས”གཟའ་འཁོར་སོགས་ཀྱི་བྱེད་སྒོ་སྤེལ་བ་ཕུད། ད་དུང་དོ་ཁུར་བྱ་རིན་ཡོད་པ་ཞིག་ལ། ལོ་མང་ཕྱིན་རྗེས་སླར་ཡང་བསྐྱར་གསོ་བྱེད་པའི་མི་རིགས་ཀྱི་སྲོལ་རྒྱུན་རྟ་རྩལ་འཁྲབ་སྟོན་ཟླ་8ཚེས་23ཉིན་གྱི་སྔ་དྲོའི་ཆུ་ཚོད་10དང་སྐར་མ་30ཐོག་ལྷ་ས་གྲོང་ཁྱེར་རྟ་རྒྱུག་ར་བར་སྤེལ་རྒྱུ་ཡིན་པ་རེད།།