༄༅།།པཎ་ཆེན་ཨེར་ཏེ་ཎི་ཆོས་ཀྱི་རྒྱལ་པོས་ལྷ་སར་ཆོས་ཀྱི་མཛད་འཕྲིན་སྤེལ་བ།
ཡོང་ཁུངས། མི་དམངས་དྲ་བ།
སྤེལ་དུས།: ༢༠༡༧ ལོའི་ཟླ་ ༨ ཚེས་ ༡
ཚེས་30ཉིན། ཆར་པ་བབས་རྗེས་ཀྱི་ལྷ་སར། གནམ་ངོ་དྭངས་ཤིང་མཁའ་དབུགས་ཤིན་ཏུ་གཙང་།
1995ལོར། གསེར་བུམ་དཀྲུག་ནས་རྒྱལ་སྲིད་སྤྱི་ཁྱབ་ཁང་གིས་ཆོག་མཆན་གནང་རྗེས། དགུང་ལོ་5རུ་ཕེབས་པའི་པཎ་ཆེན་ཨེར་ཏེ་ཎི་ཆོས་ཀྱི་རྒྱལ་པོ་སྐུ་ཕྲེང་བཅུ་གཅིག་པ་བཀྲ་ཤིས་ལྷུན་པོའི་བཞུགས་ཁྲིར་མངའ་གསོལ་བ་རེད། 2015ལོར། བཀྲ་ཤིས་ལྷུན་པོའི་བཞུགས་ཁྲིར་མངའ་གསོལ་ནས་ལོ་ངོ20འཁོར་བར་དགའ་སྟོན་གཟབ་རྒྱས་བཤམས་པ་རེད།
2016ལོར། པཎ་ཆེན་མཆོག་གིས་གཞིས་རྩེ་རུ་ཐོག་མར་དུས་འཁོར་རྩ་རྒྱུད་ཀྱི་དབང་གནང་བ་རེད།
ཆུ་ཚོད་6:00པའི་ཐོག་ཏུ། བོད་བརྒྱུད་ནང་བསྟན་གྱི་སྲོལ་རྒྱུན་བཞིན། གཙུག་ལག་ཁང་གི་བླ་ཆེན་ཚོས་མཎྜལ་ཕུལ་བ་དང་། དེར་མཐུད་ནས་དེར་བཞུགས་ཀྱི་བླ་ཆེན་སོགས་ལ་ཕྱག་དབང་གནང་བ་རེད།
ཐེངས་འདི་ནི་པཎ་ཆེན་ལོ་རེར་ལྷ་སར་ཕེབས་པའི་མཛད་སྒོའི་ཐོག་མ་ཡིན་པ་དང་། གཙུག་ལག་ཁང་དུ་སྐར་མ་50ལྷག་ཙམ་རིང་རྟེན་མཇལ་ཕྱག་མཆོད་ཕུལ་ནས་བཞུགས་པ་རེད།
པཎ་ཆེན་མཆོག་ཟླ་7ཚེས་25ཉིན་མེ་འཁོར་ལ་བཞུགས་ནས་ལྷ་སར་ཕེབས་པ་དང་། ཉེ་ཆར། ཁོང་གིས་བོད་ལྗོངས་ཀྱི་ས་ཆ་ཁག་ཏུ་ཆོས་ཀྱི་མཛད་འཕྲིན་མང་པོ་སྤེལ་རྒྱུ་ཡིན་པ་རེད།།