རོང་བྲག་རྫོང་གིས་ཐུམ་འབུའི་ནད་ལྟ་ཞིབ་ཚད་ལེན་བྱེད་པའི་ལས་ཀ་སྤེལ།
ཡོང་ཁུངས། དབྱངས་ཅན་གྱིས་བསྒྱུར།
སྤེལ་དུས།: ༢༠༡༧ ལོའི་ཟླ་ ༧ ཚེས་ ༡༣
ནད་བརྟག་བྱེད་རིང་དུ་ནད་རིགས་སྔོན་འགོག་ཚོད་འཛིན་ལྟེ་གནས་ཀྱི་ལས་སྒྲུབ་མི་སྣས་དགེ་སློབ་ཡོངས་ལ་ཐུམ་འབུའི་ནད་འགོག་བཅོས་བྱེད་པའི་ཤེས་བྱའི་ཆེད་དོན་འཆད་ཁྲིད་བྱས་ཤིང་། གསོན་ཉམས་ལྡན་པའི་དངོས་དཔེའི་ཐོག་ནས་རྒྱུ་སྲིན་ལེབ་མོ་དང་ཐུམ་འབུས་མིའི་ལུས་ཁམས་ལ་གནོད་འཚེ་གཏོང་ཚུལ་ངོ་སྤྲོད་བྱས་ནས། སློབ་མ་ཚོར་ཐུམ་འབུ་དང་རྒྱུ་སྲིད་ལེབ་མོའི་ནད་ཕོག་ཚུལ་དང་། འགོས་ནད་ཡོང་ཁུངས་དང་འགོག་བཅོས་བྱེད་ཐབས་སོགས་རྒྱུས་ལོན་བྱེད་བཅུག་པ་རེད། ཆེད་དོན་འཆད་ཁྲིད་མཇུག་སྒྲིལ་རྗེས་སློབ་མ་ཚོར་དགེ་རྒན་གྱི་སྣེ་ཁྲིད་འོག་ཡངBའདས་སྒྲ་ཡིས་ནད་བརྟག་བྱས་པ་རེད།
ཐེངས་འདིར་རིན་པ་མི་དགོས་པརBའདས་སྒྲ་ཡིས་ནད་བརྟག་བྱེད་པའི་བྱེད་སྒོ་སྤེལ་བ་དེར་སློབ་གྲྭ་དེའི་དགེ་སློབ་ཚོའི་གདེང་འཇོག་ཡག་པོ་ཐོབ་པ་རེད།།