མའོ་རྫོང་ཞིན་མའོ་གྲོང་སྡེར་རི་ཉིལ་གནོད་འཚེ་བྱུང་སྟེ་མི་100རྐྱེན་ལམ་དུ་ཤོར་བ།
ཡོང་ཁུངས།
སྤེལ་དུས།: ༢༠༡༧ ལོའི་ཟླ་ ༦ ཚེས་ ༢༤
གསར་འགོད་པས་མའོ་རྫོང་དྲལ་བསྒྲགས་པུའུ་ནས་རྒྱུས་ལོན་བྱས་པ་ལྟར་ན། 2017ལོའི་ཟླ་6་པའི་ཚེས་24ཉིན་གྱི་ཆུ་ཚོད་6ཡས་མས་སུ་མའོ་རྫོང་ཏའེ་ཞི་གྲོང་རྡལ་ཞིན་མའོ་གྲོང་སྡེར་གློ་བུར་དུ་རི་ཉིལ་གནོད་འཚེ་བྱུང་ཤིང་རི་ཉིལ་གཞི་ཚད་ཚད་ལེན་བྱེད་ཐབས་བྲལ། ཆུ་བོའི་བཞུར་ལམ་སྤྱི་ལེ་2བཀག་པ་དང་། ཁྱིམ་ཚང་40ལྷག་དང་མི་100ལྷག་འདམ་རུད་འོག་མནན་པ་རེད།
སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སི་ཁྲོན་རྔ་བ་ཁུལ་མའོ་རྫོང་ཏའེ་ཞི་གྲོང་རྡལ་ཞིན་མའོ་གྲོང་སྡེའི་རི་ཉིལ་ཆེན་པོའི་གནོད་སེལ་རོགས་སྐྱོར་ལས་ཀར་མཛུབ་སྟོན་གལ་ཆེན་གནང་ཤིང་། ནུས་ཤུགས་ཡོད་དགུས་འདམ་རུད་འོག་མནན་པའི་མི་སྣ་འཚོལ་སྐྱོབ་བྱས་ཏེ་མི་སྣ་ཤི་རྨས་གང་ནུས་ཀྱིས་ཇེ་ཉུང་དུ་གཏོང་དགོས་པའི་བླང་བྱ་བཏོན་པ་རེད། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་གནོད་སེལ་རོགས་སྐྱོབ་ལས་ཀར་ཆོག་མཆན་མཛུབ་སྟོན་གནང་།
རྔ་བ་ཁུལ་མའོ་རྫོང་ཏའེ་ཞི་གྲོང་རྡལ་ཞིན་མའོ་གྲོང་སྡེར་རི་ཉིལ་གནོད་འཚེ་ཆེན་པོ་བྱུང་རྗེས། སི་ཁྲོན་ཞིང་ཨུའི་ཧྲུའུ་ཅི་ཝང་ཏུང་མིང་གིས་དུས་ཐོག་ཏུ་མཛུབ་སྟོན་དང་བླང་བྱ་གནང་པར་མ་ཟད། མིག་སྔར། ཞིང་ཨུའི་ཧྲུའུ་ཅི་ཝང་ཏུང་མིང་དང་ཞིང་དཔོན་དབྱི་ལི་ཡུལ་དངོས་སུ་ཕེབས་ནས་གནོད་སེལ་སྐྱོབ་རོགས་ལ་མཛུབ་སྟོན་གནང་བཞིན་ཡོད་པ་རེད།
རྔ་བ་ཁུལ་གྱིས་མགྱོགས་མྱུང་ངང་ས་གཤིས་གནོད་སྐྱོན་རིམ་པ་དང་བོའི་མཁོ་བསྟུན་གནོད་སེལ་གྱི་འགོ་བརྩམས་པ་དང་། ཞིང་ཆེན་དམངས་འཐུས་རྒྱུན་ཨུ་ཁང་གི་ཀྲུའུ་རེན་གཞོན་པ་དང་རྔ་བ་ཁུལ་ཨུའི་ཧྲུའུ་ཅི་ལིའུ་ཙུའོ་མིང་དང་རྔ་བ་ཁུལ་མི་དམངས་སྲིད་གཞུང་གི་ཁུལ་དཔོན་དབྱང་ཁེ་ཉིང་གིས་འབྲེལ་ཡོད་སྡེ་ཁག་གི་མི་སྣའི་སྣེ་ཁྲིད་ནས་ཡུལ་དངོས་སུ་ཕེབས་པར་མ་ཟད། ཁྱིམ་མཚེས་རྫོང་ཁག་ལ་མཁོ་བསྟུན་རོགས་སྐྱོར་བཀོད་སྒྲིག་བྱས་ཤིང་། མའོ་རྫོང་རྫོང་ཨུ་དང་སྲིད་གཞུང་གིས་ནུས་ཤུགས་གཅིག་ཏུ་བསྒྲིལ་ནས་ཡུལ་དངོས་ནས་གནོད་སེལ་སྐྱོབ་རོགས་ལས་ཀ་སྒྲུབ་བཞིན་ཡོད་པ་རེད།
མའོ་རྫོང་གི་གནམ་གཤིས་གནས་ཚུལ།
