ཉག་ཆུ་རྫོང་གིས་མོག་རོ་འདེབས་འཛུགས་ལྟེ་གནས་སུ་རང་འགུལ་ཆུ་འདྲེན་མ་ལག་ལེགས་སྒྲིག་བྱས་པ།

        ཉེ་ཆར།  ཉག་ཆུ་རྫོང་མིག་ནོར་ཡུལ་ཤོག་རླུང་གདོང་སྡེ་པའི་ཆིང་ཀང་མོག་རོ་འདེབས་འཛུགས་ལྟེ་གནས་སུ་རང་འགུལ་ཆུ་འདྲེན་མ་ལག་ལེགས་སྒྲིག་བྱས་ཤིང་། འདིས་སི་ཁྲོན་དམག་དོན་བཟོ་ལས་མ་ལག་གིས་རོག་མོ་འདེབས་འཛུགས་ལ་ཁ་གཏད་དབུལ་སྐྱོར་བྱས་ཏེ་རང་འགུལ་དོ་དམ་གྱི་ལམ་ལ་ཞུགས་པར་མཚོན་པ་དང་།  མ་ལག་འདིས་ཉག་ཆུ་རྫོང་གི་རང་འགུལ་ཆུ་འདྲེན་ཁྱབ་ཁོངས་ཀྱི་སྟོང་ཆའང་བསྐངས་པ་རེད།   
        ཤེས་རྟོགས་བྱུང་བ་ལྟར་ན།  མ་ལག་འདིས་རང་ཉིད་ཀྱི་དགོས་མཁོ་ལྟར་ཆུ་འདྲེན་པའི་དུས་ཚོད་གཏན་འཁེལ་བྱས་ཆོག་པ་དང་།  བཟོ་པའི་ངལ་རྩོལ་གྱི་ཚད་ཇེ་ཆུང་བཏང་བར་མ་ཟད།  མ་རྩ་ཡང་ཇེ་དམའ་རུ་བཏང་ཡོད་ལ།  ཟླ་རེར་དམངས་སྒོར་1800ལྟར་རྩིས་ན།  ལོ་གཅིག་ལ་བཟོ་ལས་པའི་གླ་དམངས་སྒོར་21600གྲོན་ཆུང་བྱེད་ཐུབ་པ་རེད། །