གསེར་ཐར་རྫོང་གིས་རོང་འབྲོག་མང་ཚོགས་ཀྱི་ཡོང་འབབ་འཕར་བར་རོགས་འདེགས་བྱས།
ཡོང་ཁུངས། ངེད་དྲ་བ།
སྤེལ་དུས།: ༢༠༡༧ ལོའི་ཟླ་ ༦ ཚེས་ ༥
ཤེལ་གྲུབ་ཡུལ་ཤོག་གི་གྲོང་མི་ཚོའི་ལས་ཞུགས་གནད་དོན་ཐག་བཅད་བྱས་ཡོད་པ་མ་ཟད། ས་ཞིང་བདེ་སྤྱོད་བཏང་ནས་ལོ་གཅིག་དུས་གཅིག་གི་རྣམ་པ་དེ་ལོ་གཅིག་དུས་གསུམ་གྱི་རྣམ་པར་བསྒྱུར་བས། རྫོང་ཡོངས་ཀྱི་མི་དམངས་ཀྱིས་མཐོ་སྒང་གི་སྔོ་ཚལ་གསར་པ་ལོངས་སུ་སྤྱོད་ཐུབ་བྱུང་། མིག་སྔར་གསེར་ཐར་རྫོང་གིས་ཞིང་ལས་མཁོ་སྤྲོད་བཅོས་བསྒྱུར་དང་ཐོན་ལས་གྲུབ་ཚུལ་ལེགས་སྒྲིག ཞིང་ལས་སྒྲིག་བཀོད་རམ་འདེགས་དང་སྔོ་ཚལ་དྲོད་ཁང་འཛུགས་པའི་གོམ་འགྲོས་ཇེ་མགྱོགས་སོགས་ནན་གྱིས་གཏོང་བཞིན་ཡོད་ལ། འབྲོག་ཁུལ་ལྔ་དང་བདུན་ཙམ་ལ་སའི་རྒྱ་ཁྱོན་མུའུ་70ཟིན་པའི་དེང་རབས་ཅན་གྱི་དྲོད་ཁང་20ཕུབ་ཡོད་པས། སྔོ་ཚལ་གྱི་དགོས་མཁོ་བསྐང་བར་ཁག་ཐེག་བྱས་པ་མ་ཟད། ཚོང་རའི་སྔོ་ཚལ་གྱི་སྤུས་ཚད་ཇེ་ལེགས་སུ་བཏང་བ་དང་། མང་ཚོགས་ཀྱི་ཡོང་བབ་འཕར་ཞིང་ཕྱུག་འགྱུར་ཐབས་ལམ་ཇེ་ཡངས་སུ་བཏང་བ་རེད། །