སློབ་གྲྭ་དང་བུ་བཅོལ་ཁང་གི་བཟའ་རིགས་བདེ་འཇགས་སྐོར་གྱི་མི་མངོན་པའི་རྐྱེན་ངན་ཞིབ་བཤེར་བྱ་རྒྱུ་རེད།
ཡོང་ཁུངས། ཀྲུང་དབྱང་རླུང་འཕྲིན་ལས་ཁུངས།
སྤེལ་དུས།: ༢༠༡༧ ལོའི་ཟླ་ ༥ ཚེས་ ༢༧
རྒྱལ་སྲིད་སྤྱི་ཁྱབ་ཁང་བཟའ་རིགས་བདེ་འཇགས་གཞུང་ལས་ཁང་གིས་ཉིན་དེར་སློབ་གསོ་པུའུ་དང་། བཟའ་རིགས་དང་སྨན་རྫས་ལྟ་སྐུལ་དོ་དམ་སྤྱི་ཁྱབ་ཅུས་ནས་བརྙན་འཕྲིན་ཁ་པར་གྲོས་ཚོགས་སྐོང་འཚོགས་བྱས་ཏེ། ས་གནས་ཁག་གིས་སློབ་གྲྭ་དང་བུ་བཅོལ་ཁང་གི་བཟའ་རིགས་བདེ་འཇགས་སྐོར་གྱི་མི་མངོན་པའི་རྐྱེན་ངན་ལ་ཞིབ་བཤེར་ཆེན་པོ་བྱེད་པ་དང་། གནད་དོན་གྱི་ཁ་ཕྱོགས་རྒྱུན་འཁྱོངས། མི་མངོན་པའི་རྐྱེན་ངན་ལ་ཞིབ་བཤེར་གཏིང་ཟབ་བྱེད་པ། ལག་བསྟར་བྱ་ཆོག་པའི་ལེགས་སྒྲིག་བྱ་ཐབས་བཟོ་བ། སློབ་གྲྭའི་ཟས་དུག་ཕོག་པའི་དོན་རྐྱེན་ཐོན་རྒྱུ་སྔོན་འགོག་ནན་མོ་བྱེད་པ་བཅས་ལ་དམ་འཛིན་བྱ་དགོས་པའི་བླང་བྱ་བཏོན་ཡོད་པ་རེད།།