ལི་ཐང་གི་དབྱར་རྩྭ་དགུན་འབུ་འཛམ་གླིང་ལ་བྲིན་པ།
ཡོང་ཁུངས། ངེད་དྲ་བ།
སྤེལ་དུས།: ༢༠༡༧ ལོའི་ཟླ་ ༥ ཚེས་ ༢༣
ལི་ཐང་རྫོང་ལ་འཛམ་གླིང་ཡང་རྩེའི་གྲོང་ཞེས་པའི་མཚན་སྙན་ཐོབ་ཡོད་པ་དང་། མཚོ་འཕགས་མཐོ་བས། དེ་རུ་སྐྱེ་བའི་དབྱར་རྩྭ་ནི་ལུས་ཆེ་ཞིང་རྭ་ཅོ་ཐུང་བ་དང་། ཁ་མདོག་སེར་པོ་ཡིན་པ། དྲི་བཟང་བྲོ་བ་སོགས་ཀྱི་ཁྱད་ཆོས་ལྡན། ཞིང་འབྲོག་མང་ཚོགས་ཀྱིས་དབྱར་རྩྭ་རྣམས་སྨན་རྫས་ཉོ་སྒྲུབ་བྱེད་པའི་སྦྱིན་བདག་ལ་བཙོང་བ་དང་། སྦྱིན་བདག་གི་ཁྲོད་དུ་ཀུང་སི་ཡོད་པའི་སྲོལ་རྒྱུན་ཚོང་པ་ཡོད་པ་མ་ཟད། དྲ་ཐོག་ཚོང་ཁང་འབྱེད་པའི་སློབ་ཆེན་པའང་ཡོད་པ་རེད། དེ་དག་གིས་དེང་རབས་གློག་རྡུལ་ཚོང་ལས་ཀྱི་བྲིན་ཚོང་བརྒྱུད་ལམ་ལ་བརྟེན་ནས་མཐོ་སྒང་གི་ཁྱད་ནོར་ཏེ་དབྱར་རྩྭ་དགུན་འབུ་འཛམ་གླིང་ཚོང་རར་བཀྲམ་པ་རེད།།