སྲོལ་རྒྱུན་ལག་ཤེས་ལ་བརྟེན་ནས་ཡོང་འབབ་གསོག་པ།

        གཞིས་རྩེ་གྲོང་ཁྱེར་རིན་སྤུངས་རྫོང་ཁང་གཞུང་ཤང་ལ་སྔར་ནས་རྩེ་གྲོ་བཟོ་བའི་ལག་ཤེས་ཡོད་པ་དང་།  ཉེ་བའི་ལོའི་ནང་རིན་སྤུངས་རྫོང་ཁང་གཞུང་ཤང་གིས་རྩེ་གྲོ་བཟོ་བའི་སྲོལ་རྒྱུན་ལག་ཤེས་དེ་ཉིད་ཐོན་ལས་རྣམ་གྲངས་ཞིག་གི་ཐོག་ནས་འཕེལ་རྒྱས་བཏང་བར་མ་ཟད་རིག་གནས་ཤུལ་བཞག་ཐད་ནས་རྒྱུད་འཛིན་བྱས་ཡོད་པས།  བོད་མེ་བྱ་ལོའི་ལོ་གསར་ཤར་ལ་ཉེ་བའི་མཚམས་སུ་རིན་སྤུངས་རྫོང་ཁང་གཞུང་ཤང་གི་ཞིང་པ་རྣམས་ལྷ་སར་སྐྱོད་དེ་རྩེ་གྲོ་བཟོ་བའི་ལག་ཤེས་ལ་བརྟེན་ནས་ཡོང་འབབ་ཇེ་མཐོར་བཏང་བ་རེད།།