ལི་ཁེ་ཆང་གིས་གཙོ་སྐྱོང་མཛད་དེ་རྒྱལ་སྲིད་སྤྱི་ཁྱབ་ཁང་གི་རྒྱུན་ལས་གྲོས་ཚོགས་འཚོགས།
ཡོང་ཁུངས། མི་དམངས་དྲ་བ།
སྤེལ་དུས།: ༢༠༡༧ ལོའི་ཟླ་ ༡ ཚེས་ ༡༢
གྲོས་ཚོགས་སྟེང་གཅིག་ནས་ས་ཁོངས་རང་བཞིན་གྱི་རྐང་དབང་ཚོང་ར་ཚད་ལྡན་ངང་འཕེལ་རྒྱས་སུ་འགྲོ་ཕྱིན་ནས་གཙོ་བོ་ཞིང་ཆེན་རིམ་པའི་སྲིད་འཛིན་ས་ཁོངས་ཁྲོད་ཀྱི་ཁེ་ལས་འབྲིང་ཆུང་ཁྲོད་ཀྱི་ནུས་པ་འདོན་སྤེལ་བྱ་དགོས་དགོས། གཉིས་ནས་ཞིང་ཆེན་（ཆུས་དང་གྲོང་ཁྱེར།）སོ་སོ་དང་འཆར་འགོད་ཁྲོད་ཀྱི་ས་ཁོངས་རང་བཞིན་གྱི་རྐང་དབང་ཚོང་རའི་འཁོར་སྐྱོད་སྡེ་ཁག་གཅིག་གིས་འགན་ཁུར་དགོས། གསུམ་ནས་ཚད་ལྡན་གྱི་དངུལ་འཇོག་པའི་ལམ་ལུགས་ལག་བསྟར་བྱ་དགོས། བཞི་ནས་གཅིག་བསྡུས་སྒོས་ཐུན་མོང་གི་དོ་དམ་བྱེད་པའི་ལྟ་སྐུལ་འགན་ཁུར་དམ་འཛིན་བྱེད་དགོས་ཞེས་བསྟན།
གྲོས་ཚོགས་ལས་ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་གྲོང་ཁྱེར་དོ་དམ་ཁྲིམས་འཛིན་དཔུང་སྡེ་འཛུགས་སྐྲུན་བྱེད་པར་ཤུགས་སྣོན་པའི་སྐོར་གྱི་རེ་བ་ལྟར། གྲོང་ཁྱེར་དོ་དམ་ཁྲིམས་འཛིན་གྱི་ལྭ་བ་དང་མཚོན་རྟགས་གཅིག་གྱུར་ཡོང་བར་བྱེད་པ་དང་ཚད་ལྡན་དོ་དམ་བྱེད་པ་དེ་ཚོར་གཉེར་གྱི་ཁོར་ཡུག་བཟང་བོ་བསྐྲུན། གྲོང་ཁྱེར་དོ་དམ་གྱི་ཆུ་ཚད་མཐོར་འདེགས་སུ་གཏོང་བ། སྲིད་གཞུང་གི་སྤྱིའི་ཡིད་རྟོན་ཤུགས་ཇེ་ཆེར་གཏོང་བ་བཅས་ཐད་ལ་ཕན་ནུས་གལ་ཆེན་འདོན་ཐུབ་ཅེས་བསྟན།
ཚོགས་ཐོག་ལས་དབང་བོ་སྐྱོན་ཅན་གྱི་སློབ་གསོའི་ལས་དོན་འཕེལ་རྒྱས་སུ་གཏོང་བ་དང་། དབང་བོ་སྐྱོན་ཅན་ལ་འདྲ་མཉམ་གྱི་སློབ་གསོ་ཁེ་དབང་ཐོབ་པར་ཁག་ཐེག་བྱེད་པ་ནི་འདྲ་མཉམ་དང་དྲང་གཞག་གི་ནང་དོན་གལ་ཆེན་ཕུན་སུམ་ཚོགས་པར་གཏོང་བ་དང་སྤྱི་ཚོགས་དཔལ་ཡོན་དང་ཡར་ཐོན་ཡོང་བར་བྱེད་པའི་མཚོན་རྟགས་ཡིན་ཞེས་བསྟན།།