དཀར་མཛེས་གེ་སར་གནམ་གྲུ་ཐང་སང་ལོར་ཚོད་ལྟའི་འཕུར་སྐྱོད་བྱེད་འགོ་བརྩམས་རྒྱུ་རེད།
ཡོང་ཁུངས། ཁམས་པའི་རྒྱ་ཡིག་དྲ་བ།
སྤེལ་དུས།: ༢༠༡༦ ལོའི་ཟླ་ ༧ ཚེས་ ༢༧
གེ་སར་གནམ་གྲུ་ཐང་བསྐྲུན་རྗེས། དེ་སྔོན་བསྐྲུན་ཟིན་པའི་དར་མདོ་གནང་གྲུ་ཐང་དང་འདབ་པའི་ཉི་བརྟེན་གནམ་གྲུ་ཐང་བཅས་ཁྱོན་བསྡོམས་གནམ་གྲུ་ཐང་གསུམ་ཡོད་པས། དཀར་མཛེས་ཁུལ་ནི་རྒྱལ་ཡོངས་ཀྱི་དམངས་སྤྱོད་གནམ་གྲུ་ཐང་གསུམ་ཡོད་པའི་མི་རིགས་རང་སྐྱོང་ཁུལ་ཐོག་མར་གྱུར།
དཀར་མཛེས་གེ་སར་གནམ་གྲུ་ཐང་བསྐྲུན་རྗེས། ཡུལ་སྐོར་བ་རྣམས་ཁྲེན་ཏུའུ་ནས་དཀར་མཛེས་རྫོང་བར་གྱི་ཆུ་ཚོད་བདུན་གྱི་ལམ་ཐག་དེ་ཆུ་ཚོད་གཅིག་ལ་གྱུར་བ་དང་། སྡེ་དགེ་པར་ཁང་གི་ཆུ་ཚོད་དགུའི་ལམ་ཐག་དེའང་ཆུ་ཚོད་བཞིར་གྱུར་བ་རེད། ཉེ་འགྲམ་གྱི་དཀར་མཛེས་རྫོང་དང་སྡེ་དགེ་རྫོང་། དེ་མིན་གསེར་རྟ་རྫོང་དང་སེར་ཤུལ་རྫོང་། ཉག་རོང་རྫོང་དང་དཔལ་ཡུལ་རྫོང་། རྟའུ་རྫོང་བཅས་སུ་ཕྱིན་པར་ཆུ་ཚོད་5ལས་མི་དགོས་པ་རེད།།