ལི་ཁེ་ཆང་གིས་སྐབས་བརྒྱད་པའི་འཛམ་གླིང་ཕྱི་སྡོད་རང་མི་དང་ཀྲུང་གོ་བའི་ཚོགས་པའི་མཛའ་འབྲེལ་ཚོགས་ཆེན་དུ་ཞུགས་པའི་འཐུས་མི་ཡོངས་ལ་མཇལ་འཕྲད་གནང་།

　　

　　སྤྱི་ཟླ་6པའི་ཚེས་2ཉིན། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་མི་དམངས་ཚོགས་ཆེན་མོའི་ནང་སྐབས་བརྒྱད་པའི་འཛམ་གླིང་ཕྱི་སྡོད་རང་མི་དང་ཀྲུང་གོ་བའི་ཚོགས་པའི་མཛའ་འབྲེལ་ཚོགས་ཆེན་དུ་ཞུགས་པའི་འཐུས་མི་ཡོངས་ལ་མཇལ་འཕྲད་གནང་། 

　　ལི་ཁེ་ཆང་གིས་ཐོག་མར་ཀྲུང་གོ་སྲིད་གཞུང་གི་ཚབ་མཛད་དེ་སྐབས་འདིའི་ཚོགས་ཆེན་བདེ་བླག་ངང་འཚོགས་པར་ལྷག་བསམ་རྣམ་དག་གིས་རྟེན་འབྲེལ་ཞུས་པ་དང་ཚོགས་ཆེན་ལ་ཞུགས་པའི་ཕྱི་སྡོད་རང་མི་དང་ཀྲུང་གོ་བའི་འཐུས་མི། དེ་མིན་ཁོ་ཚོ་བརྒྱུད་དེ་ཕྱི་རྒྱལ་དུ་སྡོད་པའི་སྤུན་ཟླ་ཁྲི་6000ལྷག་ལ་བརྩེ་སེམས་འཁོལ་བའི་འཚམས་འདྲི་དང་སྨོན་འདུན་ཞུས། 
　　ལི་ཁེ་ཆང་གིས་ཀྲུང་ཧྭ་མི་རིགས་ནི་ཁྱིམ་གཞིས་ཆེན་ཆེན་པོ་གཅིག་ཡིན་ལ། དུས་ཡུན་རིང་བོའི་ནང་ཁྱིམ་གཞིས་འདིའི་ནང་གི་ཁོངས་མི་རེ་རེར་རྒྱལ་ཁབ་ཀྱི་བརྩེ་བ་ཡོད་པར་མ་ཟད་ཀྲུང་ཧྭའི་རིག་གནས་རྒྱུན་འཛིན་བྱེད་པའི་འདུ་ཤེས་ཀྱང་ཡོད་པ་རེད། རྒྱ་ཆེ་བའི་ཕྱི་སྡོད་ཀྲུང་གོ་བ་དག་གིས་ཧུར་ཐག་གིས་ཀྲུང་གོའི་འཛུགས་སྐྲུན་དང་འཕེལ་རྒྱས་ལ་རྒྱབ་སྐྱོར་དང་ཟབ་ཞུགས་བྱས་ཏེ་མེས་རྒྱལ་དང་སྐྱེས་ཁུངས་རྒྱལ་ཁབ་ཀྱི་དར་རྒྱས་ལ་མཛད་རྗེས་འཇོག་དགོས་ཞེས་བསྟན།།