མཛོད་དགེ་རྫོང་གི་ལོ་སར་རྣམ་པ།

     འདས་པའི་ལོ་ངོ་གཅིག་གི་རིང་ལ། མཛོད་དགེ་རྫོང་ཨུ་དང་རྫོང་སྲིད་གཞུང་གིས་རྫོང་ཡོངས་ཀྱི་རིགས་སོ་སོའི་ལས་བྱེད་པ་དང་མང་ཚོགས་མཐུན་སྒྲིལ་ངང་འགོ་ཁྲིད་བྱས་ཏེ། གནད་འཕིགས་ཤུགས་འདོན་དང་འགག་གནད་སྒྲོལ་བ། ཕྱོགས་ཡོངས་ནས་སྐུལ་འདེད་བཏང་སྟེ་དཔལ་འབྱོར་ལེགས་པོའི་ཕྱོགས་སུ་འཕེལ་རྒྱས་མངོན་འགྱུར་བྱུང་བ་དང་མི་དམངས་ཀྱི་འཚོ་བ་རྒྱུན་འཁྱོངས་ངང་ལེགས་བཅོས་བྱུང་བ། མང་ཚོགས་ཀྱི་ཡོང་འབབ་མངོན་གསལ་གྱིས་ཇེ་མང་དུ་སོང་ཡོད།
     སྤྱི་ཚོགས་མཛད་སྤྱོད་དངོས་རྫས་ཀྱི་སིལ་ཚོང་བསྡོམས་འབོར་སྒོར་དུང་ཕྱུར་4022ཟིན་ཡོད་ལ། 12.9%འཕར། གྲོང་ཁྱེར་དང་གྲོང་རྡལ་གྱི་སྡོད་དམངས་ཀྱི་མི་རེའི་ཆ་སྙོམས་བཀོད་སྤྱོད་ཆོག་པའི་ཡོང་འབབ་སྒོར་28500ཟིན་ལ། 10%འཕར་ཡོད། གྲོང་གསེབ་ཀྱི་གྲོང་མིའི་མི་རེའི་ཆ་སྙོམས་བཀོད་སྤྱོད་ཆོག་པའི་ཡོང་འབབ་སྒོར་9563ཟིན་ལ། 18.6%འཕར་ཡོད། ཡོང་འབབ་ཇེ་མང་དུ་སོང་བའི་རིགས་སོ་སོའི་མང་ཚོགས་ཀྱི་མཛད་སྤྱོད་ནུས་ཤུགས་ནས་ཉིན་རེ་བཞིན་ཇེ་ཆེ་རུ་སོང་ཡོད།།