རོང་བྲག་རྫོང་གི་དབུལ་སྐྱོར་དང་ཡུལ་མི་གནས་སྤོ་ཅུས་ཀྱིས་དུས་ཐོག་ཏུ་1.12མེ་སྐྱོན་སྡེ་དམངས་ལ་འཚམས་འདྲི་བྱས།
ཡོང་ཁུངས། སི་ཁྲོན་གསར་འགྱུར་དྲ་བ།
སྤེལ་དུས།: ༢༠༡༦ ལོའི་ཟླ་ ༡ ཚེས་ ༡༨
རྫོང་དབུལ་སྐྱོར་དང་ཡུལ་མི་གནས་སྤོས་ཅུས་ཀྱིས་གནས་ཚུལ་དེ་ཤེས་རྗེས་མྱུར་དུ་ས་གནས་དེ་གའི་ཡུལ་ཤོག་དང་གྲོང་ཚོ་ལ་འབྲེལ་གཏུག་བྱས་ཤིང་། འཕྲལ་དུ་མི་སྣ་རྩ་འཛུགས་བྱས་ནས་ཡུལ་དངོས་སུ་གེགས་སེལ་འཚམས་འདྲིར་ཕྱིན་པ་དང་འཚམས་འདྲིའི་དངུལ་སྒོར་2000སྤྲད། དེ་བཞིན་གནོད་འཚེའི་གནས་ཚུལ་བྱུང་བའི་བརྒྱུད་རིམ་ལ་ཤེས་རྟོགས་ཞིབ་ཕྲ་བྱས་ཤིང་། ཁོང་ཚོར་བདེ་འཇགས་དོགས་ཟོན་འདུ་ཤེས་བརྟན་པོ་འཛུགས་དགོས་པ་དང་བདེ་འཇགས་ངང་མེ་སྤྱོད་པ་དང་གློག་བཀོལ་བ་བྱས་ཏེ་མ་བྱུང་སྔོན་འགོག་དང་སྐྱོ་གར་བསྐྱར་དུ་མི་ཐོན་པར་ནན་མངག་བྱས་པ་མ་ཟད། ཁོ་ཚོར་དཀའ་ངལ་ལས་དཔའ་མི་ཞུམ་པ་དང་། ཏང་དང་སྲིད་གཞུང་གི་ཐུགས་ཁུར་དང་སྤྱི་ཚོགས་ལས་རིགས་ཁག་གི་དོ་ཁུར་དང་རོགས་རམ་ཡོད་ཚེ། སྔ་ཙམ་ནས་མཛེས་སྡུག་ལྡན་པའི་ཁྱིམ་གཞིས་བསྐྱར་སྐྲུན་ཐུབ་ངེས་པར་ཡིད་ཆེས་བརྟན་པོ་བྱེད་དགོས་པར་སྐུལ་མ་གནང་།།