བོད་ཀྱི་ལོང་བ་སློབ་མ་བཀྲ་ཤིས་ཚེ་རིང་ད་ལོ་མཐོ་རྒྱུགས་ནང་ཞུགས་པ།
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
སྤེལ་དུས།: ༢༠༢༡ ལོའི་ཟླ་ ༦ ཚེས་ ༩
དམིགས་བསལ་གནས་ཚུལ་གྱི་དབང་གིས་ཨང་རྟགས་098ཅན་གྱི་རྒྱུགས་ར་འདིའི་ནང་དུ་བཀྲ་ཤིས་ཚེ་རིང་གཅིག་སྤུ་ལས་མེད་པས། ཁོང་གི་སྡོད་གྲལ་ནི་ཨང་གི་དང་པོ་ཡིན། དམིགས་བསམ་གྱི་རྒྱུགས་ར་འདིའི་ནང་། སྒྲོག་རྩེ་གསུམ་གྱི་སྟེང་ལོང་ཡིག་གཏགས་ཆས་དང་ལོང་ཡིག་ཤོག་བུ་ཁག་ཅིག་བཞག་ཡོད་ཅིང་། ཁོང་གིས་ཡོ་ཆས་འདི་དག་སྤྱད་ནས་མཐོ་རྒྱུགས་ལེགས་འགྲུབ་བྱེད་དགོས་ཀྱི་ཡོད།
སློབ་གསོ་པུའི་རྒྱུགས་སྤྲོད་ལྟེ་གནས་ཀྱི་འབྲེལ་ཡོད་མི་སྣས། རྒྱལ་ཡོངས་ཀྱི་སློབ་མ་ལོང་བ་རྣམས་ལ་ལོང་ཡིག་བེད་སྤྱོད་རྒྱུ་ཡོད་པ་མ་ཟད། དམིགས་བསལ་གྱི་སློབ་མ་རྣམས་ལ་ཡིག་རྒྱུགས་ཀྱི་ཡིག་འབྲུ་ཇེ་ཆེར་བཏང་བ་དང་། དམིགས་བསལ་སློབ་མས་ཉན་དགོས་པའི་རྒྱུགས་སྤྲོད་རྣམ་གྲངས་མེད་པར་བཟོས་ཁར། དེ་དག་ལ་ཆེད་དུ་རོགས་སྐྱོར་མི་སྣ་བཀོད་སྒྲིག་བྱས་ཡོད་པ་དང་། དམིགས་བསལ་སློབ་མ་རྣམས་སྔོན་ལ་རྒྱུགས་རའི་ནང་འགྲོ་ཆོག་པ་སོགས་ཀྱི་ཐབས་ཤེས་སྤྱད་དེ་མཐོ་རྒྱུགས་ནང་ཞུགས་མཁན་གྱི་དམིགས་བསལ་སློབ་མ་ཚོར་ལུགས་མཐུན་སྟབས་བདེ་སྐྲུན་ཡོད་ཅེས་གསུངས་པ་རེད།
ཁོང་ནས་མ་འོངས་པར་རེ་འདུན་གང་འདྲ་བཅངས་ཡོད་རུང་། བཀྲ་ཤིས་ཚེ་རིང་ལྟ་བུའི་ཕུགས་འདུན་དོན་དུ་གཉེར་མཁན་ཚོས་མདུན་སྐྱོད་ཀྱི་གོམ་སྟབས་མཚམས་འཇོག་མྱོང་མེད་ལ། འོད་སྟོང་རབ་ཏུ་འཕྲོ་བའི་བདེ་སྐྱིད་ཀྱི་མི་ཚེ་ཞིག་སྐྲུན་ཐུབ་ངེས་ཡིན་པར་ང་ཚོར་ཡིད་ཆེས་ཀྱིས་ཁེངས་ཡོད།