ཁོ་ཚོའི་ལས་གནས་བརྟན་སྲུང་གི་དཀའ་དྲིན་ལས་ང་ཚོའི་དགོད་སྒྲ་བྱུང་།
ཡོང་ཁུངས། རྔ་བའི་བོད་ཡིག་གསར་འགྱུར།
སྤེལ་དུས།: ༢༠༢༡ ལོའི་ཟླ་ ༢ ཚེས་ ༢༢
གུང་གསེང་རིང་སྤྲོ་སྣང་དང་འཆམ་མཐུན་འགན་ལེན་བྱ་ཆེད། མི་མང་པོ་ཞིག་གིས་ནང་མི་མཉམ་འཛོམས་ཀྱི་གོ་སྐབས་དོར་ནས་ལས་གནས་བརྟན་སྲུང་བྱས། ཁོ་ཚོ་ཤར་ནས་ནུབ་ལ་བྲེལ་ནས་བདེ་འཇགས་ལ་སྲུང་སྐྱོབ་བྱས། ཁོང་ཚོ་ཡོད་པས་བློ་བདེ་ལ་དྲོ་སྐྱིད་ལྡན་པའི་བདེ་སྐྱིད་ཀྱི་ལོ་དེ་ཡོད་པ་རེད།
ཟླ་2ཚེས་15ཉིན་གྱི་དགོང་མོར། ལྗོངས་སྐོར་བ་ཞིག་སྟབས་མ་ལེགས་པར་ས་བབ་མཐོ་ཚད་སྨི་4300ཡས་མས་ཀྱི་སྐུ་བླ་རི་བོའི་མཛེས་ལྗོངས་ཁུལ་དུ་ལུས།
མཛེས་ལྗོངས་ཁུལ་གྱི་རོགས་སྐྱོབ་རུ་ཁག་དང་ནགས་ཚལ་མེ་འགོག་གིས་མགྱོགས་མྱུར་ངང་རི་ཁུལ་གྱི་རོགས་སྐྱོབ་སྒྲིག་ཆས་འཁྱེར་ནས་ལས་འཛོལ་ཐོན་ཡུལ་དུ་བསྐྱོད་པ་དང་། རྨས་མའི་གཟུགས་པོར་བརྟག་དཔྱད་དང་སྟབས་བདེའི་ཚ་དྲོད་གསབ་རྗེས་བཀོད་འཐབ་པ་བརྒྱད་ཀྱིས་འཕྲལ་མར་འགྱོགས་ཁྲིའི་ཐོག་ནས་རི་གཤམ་དུ་སྐྱེལ་བ་དང་། ཆུ་ཚོད་3རིང་བྲེལ་མྱུར་གྱིས་གནས་སྤོར་བྱས་པ་བརྒྱུད་ཚེས་16ཉིན་གྱི་སྔ་དྲོར་བདེ་བླག་ངང་རི་འོག་གི་བདེ་འཇགས་ཁུལ་དུ་བསྐྱལ་བ་དང་འབྲེལ་120ལ་རྩིས་སྤྲད།
ལོ་སར་ཚེས་3ཉིན། གསར་འགོད་པ་རྔ་བ་རྫོང་མི་དམངས་སྨན་ཁང་དུ་སྐྱོད་སྐབས། ལས་ཞུགས་དངོས་སུ་ལས་རེས་སྨན་དོན་མི་སྣ་འབོར་ཆེན་ཞིག་གིས་ལས་གནས་བརྟན་སྲུང་བྱས་ཏེ་རང་རང་གི་བྱ་བའི་ལས་ལ་བྲེལ་བཞིན་ཡོད། སྨན་ཁང་གི་སྒོ་འགྲམ་དུ་སྨན་ཁང་གི་རིམས་ནད་སྔོན་འགོག་ཚོད་འཛིན་བྱ་ཐབས་དོན་ཐོག་ཏུ་འཁྱོལ་བ་བརྒྱུད་ནད་པར་སྨན་བཅོས་བྱེད་པའི་ཁོར་ཡུག་བདེ་འཇགས་འགན་ལེན་བྱེད་པ་མཐོང་།
