ཝུའུ་ཧན་དུ་ཡོད་པའི་བོད་རིགས་སློབ་མའི་ཁྱིམ་གཞིས།
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
སྤེལ་དུས།: ༢༠༢༡ ལོའི་ཟླ་ ༡ ཚེས་ ༡༣
རི་ཆུའི་གནའ་གྲོང་། མཛེས་པའི་ཝུའུ་ཧན། འདི་གར་ནི་བོད་རིགས་སློབ་མའི་ཝུའུ་ཧན་གྱི་ས་ཚིགས་ཡིན་ལ། དེ་བས་ཀྱང་པ་ཕ་དབྱང་ལགས་དང་བོད་རིགས་བུ་ཕྲུག་རྣམས་ཀྱི་བདེ་སྐྱིད་ལྡན་པའི་ཐུན་མོང་གི་ཁྱིམ་གཞིས་ཀྱང་ཡིན།

དབྱང་ཁྲང་ལིན་ནི་གུང་ཁྲན་ཏང་ཡོན་ཞིག་ཡིན་ཞིང་། དེ་སྔ་བོད་ལྗོངས་སུ་ཕྱག་ལས་ཡུན་རིང་གནང་མྱོང་། སྤྱི་ལོ1978ལོར་ཁོང་ཝུའུ་ཧན་སློབ་ཆེན་དུ་དགེ་རྒན་གྱི་ཕྱག་ལས་གནང་བར་ཕེབས། དུས་དང་རྣམ་པ་ཀུན་ཏུ་བོད་ལྗོངས་ནས་དེ་གར་འབྱོར་བའི་སློབ་མ་རྣམས་ཐུགས་ལ་བཞག་གནང་ནས། ཁོང་ཚོའི་འཚོ་བ་དང་། སློབ་སྦྱོང་། བསམ་བློ་སོགས་ཕྱོགས་གང་ཅིའི་ཐད་ཐུགས་ཁུར་ཟབ་བཞེས་གནང་གི་ཡོད། ལོ་ངོ40ཙམ་གྱི་རིང་། དབྱང་ལགས་ཀྱིས་རང་ཁྱིམ་གྱི་ཡོང་འབབ་ལས་1/3ཙམ་བོད་རིགས་སློབ་མའི་ཆེད་དུ་བཏང་གནང་ཡོད། དབྱང་ཁྲང་ལིན་ལ་བོད་རིགས་སློབ་མ་རྣམས་ཀྱིས་བརྩེ་བ་ཆེན་པོས་པ་ཕ་དབྱང་ལགས་ཞེས་འབོད་ཀྱི་ཡོད།



སྤྱི་ལོ2020ལོའི་ཟླ11པའི་ཚེས20ཉིན། རྒྱལ་ཡོངས་ཀྱི་བསམ་པའི་དཔལ་ཡོན་འཛུགས་སྐྱོང་གི་གཟེངས་སྟོད་ཚོགས་ཆེན་པེ་ཅིང་དུ་སྐོང་འཚོགས་བྱས་པ་དང་། ཝུའུ་ཧན་གྲོང་ཁྱེར་ཝུའུ་ཁྲང་ཁུལ་གྱི་དབྱང་ཁྲང་ལིན་ཁྱིམ་ཚང་ལ་སྐབས་གཉིས་པའི་རྒྱལ་ཡོངས་ཀྱི་ཤེས་དཔལ་ཁྱིམ་ཚང་ཞེས་པའི་མཚན་སྙན་ཐོབ་པ་རེད།