ཁྲུང་ཁྲུང་སྐེ་ནག་ལྷ་སའི་ལྷུན་འགྲུབ་རྫོང་དུ་འཛོམས།
ཡོང་ཁུངས། མི་དམངས་དྲ་བ།
སྤེལ་དུས།: ༢༠༢༠ ལོའི་ཟླ་ ༡༢ ཚེས་ ༣༡
མི་དམངས་དྲ་བའི་འཕྲིན། ཉི་མ་ཤར་ཕྱོགས་ཀྱི་རི་རྩེ་ནས་འཕགས་ཤིང་སྨུག་པ་སྲབ་མོ་བརྒྱུད་ནས་བོད་རང་སྐྱོང་ལྗོངས་ལྷ་ས་གྲོང་ཁྱེར་ལྷུན་འགྲུབ་རྫོང་མཚོ་སྟོད་ཤང་མཁར་གདོང་གྲོང་ཚོའི་ཞིང་ཁར་འཕྲོས་དུས། ཉི་མ་དོན་འགྲུབ་ཀྱིས་རླངས་འཁོར་གྲ་སྒྲིག་བྱས་ནས་ཤང་དུ་ཅ་ལག་དབོར་བར་འགྲོ་གྲབས་བྱེད་བཞིན་འདུག
ཉི་མ་དོན་འགྲུབ་དང་དུས་མཉམ་དུ་“ཕྱི་ཡུལ་”དུ་འགྲོ་མཁན་ནི་ད་དུང་སྟག་འགོ་རི་ཆུ་མཛོད་ནས་ཐོན་ཞིང་ཉེ་འཁོར་གྲོང་ཚོའི་ཞིང་ཁ་རུ་ཟས་འཚོལ་བར་སྐྱོད་པའི་ཁྲུང་ཁྲུང་སྐེ་ནག་སོགས་དུས་བྱ་ཡོད།
ཁྲུང་ཁྲུང་སྐེ་ནག་སོགས་དུས་བྱའི་ལོ་གཅིག་ཐེངས་གཅིག་གི་གནས་སྤོ་ཡིས་དགུན་ཁ་ཤར་བའི་ལུང་པ་འདིའི་ལྷིང་འཇགས་དཀྲོགས་ཡོད། འདབ་ཆགས་སྣ་ཚོགས་མཁའ་རུ་ལྡིང་སྐོར་བྱེད་ཅིང་། ཅ་ཅོ་སྒྲོག་ཏེ་ཟས་འཚོལ་བ་སོགས་ཀྱིས་ལྷིང་འཇགས་ཀྱི་དགུན་ཁ་འདི་ལ་གསོན་ཤུགས་ཤིག་བསྩལ་ཡོད།
གནས་འདིར་འཚོ་བ་སྐྱེལ་བཞིན་པའི་མི་རྣམས་ནི་གྲོགས་པོ་ཁོང་ཚོ་སླེབས་ཡོང་བར་སྔ་ནས་གོམས་གཤིས་ཆགས་ཡོད། ཉི་མ་དོན་འགྲུབ་ཀྱིས་ཁོང་དང་ཐག་མི་རིང་བའི་ཁྲུང་ཁྲུང་སྐེ་ནག་དེ་ལ་མཛུབ་མོ་འཛུགས་བཞིན། “‘ཁྲུང་ཁྲུང་སྐེ་ནག’ཞོགས་པ་ནས་འཕུར་འགྲོ དགོང་ཁར་ཕྱིར་ལོག་ཡོང་གི་རེད”ཅེས་བཤད་མཚམས་སུ། ཁོས་མཛུབ་མོ་བཙུགས་པའི་ཁྲུང་ཁྲུང་སྐེ་ནག་དེ་ཁོང་ཚོའི་ཁང་སྟེང་ནས་འཕུར་སོང་བ་དང་། གཟུགས་བརྙན་རིམ་བཞིན་ཇེ་ཆུང་གྱུར་ཞིང་། ཐག་རིང་གི་ཞིང་ཁའི་ཕྱོགས་ལ་འཕུར་ནས་སོང་།
ཉི་མ་ནུབ་ཁའི་མཚམས་སུ། ཁྲུང་ཁྲུང་རྣམས་ཕྱིར་ཆུ་མཛོད་ལ་འཕུར་ལོག་བྱུང་། འདི་ལྟར་ཞོགས་པ་ཕྱིར་འཕུར་ཞིང་དགོང་མོ་ཚུར་ལོག་པའི་རྣམ་པ་དེ་སང་ལོའི་དཔྱིད་ཀྱི་མེ་ཏོག་བཞད་དུས་སུ་སླར་བོད་བྱང་ཐང་དུ་ལོག་འགྲོ ཞོགས་པར་ཕྱིར་འཕུར་ཞིང་དགོང་མོ་ཚུར་ལོག་པ་ནི་རྒྱུན་ལྡན་ཞིག་ཡིན་པ་དང་། དགུན་དུས་ལོག་པ་དང་དཔྱིད་དུས་འཕུར་འགྲོ་བ་ནི་ཁོང་ཚོའི་ཁ་ཆད་རེད།(http://tibet.people.com.cn/15834089.html)