རྨེ་ཆུ་ཡུལ་ཚོའི་ཐུན་མོང་དཔལ་འབྱོར་གྱིས་སྡེ་མི་ཚོར་ཕན་བཏགས།
ཡོང་ཁུངས། རྔ་བའི་བོད་ཡིག་གསར་འགྱུར།
སྤེལ་དུས།: ༢༠༢༠ ལོའི་ཟླ་ ༡༢ ཚེས་ ༢༢
དེའི་འཕྲོར། རྨེ་ཆུ་ཡུལ་ཚོ་ཏང་ཨུའི་འགན་ཁུར་བས་མང་ཚོགས་ལ་ཏང་གི་སྐབས་བཅུ་དགུ་བའི་ཀྲུང་ཨུ་ཚང་འཛོམས་གྲོས་ཚོགས་ཐེངས་ལྔ་བའི་དགོངས་དོན་དང་། ནགས་ཚལ་དང་རྩྭ་ཐང་གི་མེ་ཟོན་མེ་གསོད་ཀྱི་སྐོར། རིམས་འགོག་དང་ཚོད་འཛིན་གྱི་སྐོར། དབུལ་བྲལ་གནད་སྒྲོལ་གྱི་སྐོར་སོགས་སྒྲོག་འགྲེལ་བྱས་པར་མ་ཟད། གྲོང་སྡེ་སོ་སོའི་ཀྲི་པུའུ་ཡིས་སྣེ་ཁྲིད་ཀྱི་ནུས་པ་ཤུགས་བསྣན་ནས་མུ་མཐུད་དུ་གྲོང་གསེབ་དར་རྒྱས་སུ་གཏོང་དགོས་པ་དང་། ཐུན་མོང་དཔལ་འབྱོར་སྟོབས་ཆེར་བཏང་ནས་མང་ཚོགས་འབྱོར་ཕྱུག་གི་ཕྱོགས་སུ་ཁྲིད་དགོས་པར་བསྟན།
ཁེ་སྤོགས་བགོ་བའི་བྱེད་སྒོ་མཇུག་བསྒྲིལ་རྗེས། གྲོང་སྡེའི་ཨུ་ལྷན་གཉིས་ཀྱིས་སྡེ་མི་རྩ་འཛུགས་བྱས་ནས་གྲོང་སྡེའི་ཐུན་མོང་དཔལ་འབྱོར་གྱི་དཔེ་སྟོན་འབྲོག་རའི་གསོ་ཚགས་གཞི་ཁྱོན་དང་དོ་དམ་གནས་ཚུལ་ལ་ལྟ་སྦྱོང་བྱས་པ་དང་། མང་ཚོགས་ཀྱི་གནས་ཚུལ་ཤེས་པར་སྔར་བས་འགན་ལེན་བྱས་སོ།།
