མཚོ་སྔོན་ལ་རོགས་སྐྱོར་བྱེད་པའི་བརྩེ་སེམས་ཆེན་པོ་དེ་མདུན་སྐྱོད་ཀྱི་སྟོབས་ཤུགས་ཆེན་པོར་འགྲིལ་བ།

མཚོ་སྔོན་ཉིན་རེའི་ཚགས་པར་ཐོག་གནས་ཚུལ་སྤེལ་གསལ། མགོ་ལོག་བོད་རིགས་རང་སྐྱོང་ཁུལ་གྱི་ཆ་སྙོམས་མཚོ་ངོས་ས་བབ་མཐོ་ཚད་སྨི་4200ཟིན་ལ། རང་རྒྱལ་གྱི་གྲངས་ཉུང་མི་རིགས་རང་སྐྱོང་ཁུལ་30ཡི་ཁྲོད་མཚོ་ངོས་ས་བབ་མཐོ་ཤོས་ཡིན་པ་རེད། དེ་གའི་ཁོར་ཡུག་དཀའ་ཚེགས་ཆེ་ལ་སྤྱི་ཚོགས་དང་དཔལ་འབྱོར་འཕེལ་རྒྱས་རྗེས་ལུས་ཡིན། འོན་ཀྱང་ལོ་10ཡི་སྔོན་དུ། མགོ་ལོག་གི་མི་རིགས་ཁག་གི་བུ་ཕྲུག་ཁྲི་20ཡིས་ཤར་རྒྱ་མཚོའི་འགྲམ་ངོགས་ཀྱི“ཁྱིམ་མི”འབོད་སྐུལ་བྱས་པས་གངས་ལྗོངས་ས་མཐོར་གཏོགས་པའི“ལས་སྐལ”བསུས་ཐུབ་བྱུང་བ་རེད།
ལོ་ངོ་10ཡི་རིང་། ས་གནས་གཉིས་དབར་འགྲོ་འོང་དམ་ཟབ་དང་། མཉམ་འགུལ་ཐེངས་མང་། ཤུགས་སྒྲིལ་རོགས་ལས་བཅས་བྱས་ཏེ། སྔོན་གཏན་འཁེལ་བའི་དམིགས་ཚད་དང་ལས་འགན་གཞིར་བཟུང་དབུལ་སྒྲོལ་འགག་སྒྲོལ་དང་། དཔལ་འབྱོར་ཐོན་ལས། སྤྱི་ཚོགས་མི་ཆོས། སྣོད་བཅུད་ཁོར་ཡུག་སྲུང་སྐྱོང་། བདེ་ཐང་སྨན་བཅོས་འཕྲོད་བསྟེན། རྨང་གཞིའི་སློབ་གསོ་སོགས་ཁྱབ་ཁོངས་ཀྱི་ཁྱོན་ཡོངས་དང་། རིམ་པ་མང་བ། ཁྱབ་ཁོངས་ཡངས་པ་བཅས་ཀྱི་རོགས་སྐྱོར་མཉམ་ལས་སྤེལ་ཞིང་། ཧྲང་ཧའེ་གྲོང་ཁྱེར་གྱིས་རིགས་མཐུན་རོགས་སྐྱོར་རྣམ་གྲངས་709སྤེལ་ནས། མ་དངུལ་སྒོར་དུང་ཕྱུར་24.3བཏང་ཡོད།
ལོ་ངོ་10ཡི་རིང་། ཧྲང་ཧའེ་གྲོང་ཁྱེར་དང་རྒྱལ་ཁབ་པུའུ་ཨུད་དང་དེ་བཞིན་ཀྲུང་དབྱང་ཁེ་ལས་ཀྱིས་མ་དངུལ་གཏོང་བ་དང་། དངོས་ཟོག་གིས་རྒྱབ་སྐྱོར། རིག་སྟོབས་ཀྱིས་རོགས་སྐྱོར། རྣམ་གྲངས་རོགས་སྐྲུན། ཤེས་ལྡན་མི་སྣ་མངགས་ནས་རོགས་སྐྱོར་སོགས་ཀྱི་བྱེད་ཐབས་བརྒྱུད་མགོ་ལོག་གིས་དབུལ་སྒྲོལ་འགག་སྒྲོལ་གྱི་དམག་འཐབ་ལ་རྒྱལ་ཁ་ལེན་པ་དང་ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་པའི་རྒྱལ་ཁ་ཕུ་ཐག་གཅོད་ཆེད་ལེགས་སྐྱེས་གཟེངས་སུ་ཐོན་པ་ཕུལ་ཡོད།
ལོ་10ཡི་རིང་། ཧྲང་ཧའེ་གྲོང་ཁྱེར་གྱིས་བློ་སྐྱོར་རིག་སྐྱོར་གྱི་ལས་དོན་སྤེལ་ཆེད་སྒུལ་ཤུགས་ཆེན་པོ་བསྣན་ཡོད། རྟ་བོ་བུ་བཅོལ་ཁང་གི་ཡོན་ཀྲང་ཀྲུའུ་ཅིན་མེས“བུ་བཅོལ་ཁང་འདི1964ལོར་བཙུགས་ལ། 2016ལོར་དེ་སྔའི་གནས་ཡུལ་དུ་བསྐྱར་སྐྲུན་བྱས་པ་རེད། བསྐྲུན་རྗེས་ང་ཚོས་རོལ་དབྱངས་དང་རི་མོ་སོགས་ཁྱད་ལྡན་སློབ་ཁང་བཙུགས་ཡོད་ལ། སློབ་ཞུགས་གོང་གི་སློབ་གསོར་རྨང་གཞི་བཏིང་ཡོད”ཅེས་བརྗོད།
ཕྲུ་གུ་ཁག་དང་ཁག་བྱས་ནས་ས་མཐོ་དང་མགོ་ལོག་ནས་ཐོན་མོད། འོན་ཀྱང་དགེ་རྒན་ཁག་དང་ཁག་བྱས་ནས་མཐོ་སྒང་དང་མགོ་ལོག་ཏུ་བསྐྱོད་པ་རེད། ཧྲང་ཧའེ་ཡི་དགེ་རྒན་ཏིང་ཀྲི་ཝེ་ཡིས“སློབ་གསོ་ནི་འཇོན་ཐང་སློབ་པ་ཙམ་མིན་པར། སྐུལ་སློང་དང་། ཁྲིད་སྟོན། འབོད་སྐུལ་བཅས་བྱ་རྒྱུར་དེ་བས་ཐུག་ཡོད། ཁོ་ཚོར་རང་ཉིད་ཀྱི་ནུས་ཤུགས་སྔོག་འདོན་བྱེད་པའི་ནུས་པ་འཛུགས་པར་རོགས་རམ་ཐུབ་ཚེ་ང་ཚོའི་དམིགས་ཡུལ་འགྲུབ་པ་རེད”ཅེས་བརྗོད།