རབ་མཛེས་མཚོ་སྔོན་ནས་མཐོ་སྒང་གི་རི་དྭགས་དང་འཕྲད་པ།
གསར་འགོད་པས་མཚོ་སྔོན་ཞིང་ཆེན་མགོ་ལོག་བོད་རིགས་རང་སྐྱོང་ཁུལ་རྨ་སྟོད་རྫོང་ནས་མཐོང་གསལ། གཞུང་ལམ་འགྲམ་དུ་རྐྱང་དང་གཙོད་སོགས་རི་དྭགས་ཁྱུ་བྱས་ནས་རྩྭ་ཐང་དུ་རྒྱུ་བའམ་རྩྭ་ཟ་བཞིན་འདུག་ལ། མཚམས་རེར་ཡར་འགྲོ་མར་འགྲོ་བྱེད་པའི་མི་ཚོའི་མིག་ལམ་ནས་བརྒྱུད་འགྲོ།
ཡུལ་ཤུལ་བོད་རིགས་རང་སྐྱོང་ཁུལ་ཁྲི་འདུ་རྫོང་དུ། ས་གཞི་ཁ་བས་གཡོགས་ཡོད་ནའང་ག་ས་གང་དུ་གསོན་ཉམས་ལྡན་འདུག ཁྲ་ཞིག་གློག་སྡོང་ཐོག་བབས་ནས་དོགས་ཟོན་དང་བཅས་རྐང་འོག་གི་ས་གཞི་ལ་ཐུར་ལྟ་བྱེད་བཞིན་འདུག ཨ་བྲ་ཞིག་གི་སྔོ་རྩྭ་ཁམ་གང་བཟུང་ནས་ཕྱིར་རང་གི་ཚང་ལ་ལོག་བཞིན་འདུག ཁྲ་དེ་གློ་བུར་དུ་འཕུར་ཞིང་། ལྡིང་སྐོར་བྱེད་བཞིན་སྔོ་སང་སང་གི་མཁའ་དབྱིངས་སུ་མཛེས་སྡུག་ལྡན་པའི་གཞི་དབྱིབས་ཤིག་བྲིས་ནས་འཕུར།
སྦྲེ་ཞིག་གིས་སོས་དལ་བག་ཕེབས་ཀྱིས་ཟས་འཚོལ་བཞིན་གངས་ཀླུང་འདི་ལ་རྐང་རྗེས་གསལ་པོ་རེ་འཇོག་བཞིན་ཡོད། དེ་ལྟར་གང་སར་མཐོང་རྒྱུ་ཡོད་པའི་མཐོ་སྒང་གི་རི་དྭགས་འདི་དག་གིས་དགུན་དུས་ཀྱི་མཐོ་སྒང་ལ་ཚེ་སྲོག་གི་གསོན་ཤུགས་བསྩལ་ཡོད།
མཚོ་སྔོན་ཞིང་ཆེན་ཡུལ་ཤུལ་བོད་རིགས་རང་སྐྱོང་ཁུལ་རྫ་སྟོད་རྫོང་དུ། ཡུལ་དེའི་མང་ཚོགས་ཀྱིས་སྟོངས་ལ་ཉེ་བའི་གསའ་ རྫོང་མཁར་དུ་འགྲོ་འོང་བྱེད་བཞིན་པ་ཐེངས་འགར་མཐོང་ཡོད།
གཙང་གསུམ་ཆུ་འགོ་སྤྱི་གླིང་གི་སྒྲིག་སྲོལ་ཚོད་ལྟ་རིམ་བཞིན་སྐུལ་འདེད་གཏོང་བ་དང་བསྟུན། རི་སྐྱེས་སྲོག་ཆགས་སྲུང་སྐྱོང་ནུས་པ་མུ་མཐུད་དུ་ཤུགས་ཇེ་ཆེར་བཏང་བས། གཙང་གསུམ་ཆུ་འགོའི་“རི་ཆུ་ནགས་ཚལ་ས་ཞིང་མཚེའུ་རྩྭ་ཐང་”ཉིན་རེར་བཞིན་ཚེ་སྲོག་གཞི་གཅིག་ཅན་ཏུ་གྲུབ་བཞིན་འདུག་པ་དང་། ལེགས་པའི་ཕྱོགས་སུ་འགྱུར་ལྡོག་འགྲོ་བཞིན་པ་དེས་ཡུལ་དེའི་འབྲོག་པ་ཚོས་རིམ་བཞིན་སྣོད་བཅུད་སྲུང་སྐྱོང་གི་རང་རྟོགས་ཚད་མཐོན་པོར་གྱུར་པ་ལ་སྐུལ་འདེད་བྱེད་བཞིན་འདུག ཡུལ་དེའི་མང་ཚོགས་དང་གླིང་སྣེའི་སྐྱེ་དངོས་ཕན་ཚུན་མཉམ་འཚོ་མཉམ་གནས་བྱེད་བཞིན་འདུག
ཕྱིར་ལོག་པའི་ལམ་བར་དུ། སྦྲེ་ཞིག་བཅར་འདྲིའི་རླངས་འཁོར་སྔོན་ནས་བསྐྱོད་ཅིང་། རབ་གསལ་ནང་འཛུལ་རྗེས། ཁ་ཕྱིར་འཁོར་ནས་ང་ཚོ་མགྲོན་པོ་རྣམས་ལ་བལྟས་ནས་བསྡད། དུས་ཐུང་རིང་ཕན་ཚུན་ལ་བལྟས་རྗེས་དལ་མོར་རྩྭ་ཐང་དུ་ལོག་སོང་། (http://tibet.people.com.cn/15830387.html)