ཞི་ཅིན་ཕིང་ཨན་ཧུའེ་རུ་རྟོག་ཞིབ་གནང་བར་ཕེབས་པ།

འདི་ག་ལས་ཁུངས་ནས་སྤེལ་བའི་གནས་ཚུལ། སྤྱི་ཚེས་18ཉིན། སྤྱི་ཁྱབ་ཧྲུའུ་ཅི་ཞི་ཅིན་ཕིང་ཨན་ཧུའེ་རུ་རྟོག་ཞིབ་དང་བརྟག་ཞིབ་གནང་བར་ཕེབས་ཡོད། ཉིན་དེའི་ཕྱི་དྲོ། ཁོང་སྔ་རྗེས་སུ་ཧྥུ་ཡང་གྲོང་ཁྱེར་ཧྥུ་ནན་རྫོང་ཝང་ཅ་ཆུ་རགས་དང་། ཧུང་ལེའང་སྒམ་ཁུག་ཚད་ཡོང་ཀུང་སི། མེང་ཝ་ཆུ་ལོག་གསོག་ཁུལ་ཚའོ་ཅི་གྲོང་རྡལ་ལི་མིན་གྲོང་ཚོའི་ཞི་ཐན་ཕོ་ཀྲོང་ཐའེ་རུ་ཕེབས་ཏེ། ཧོའེ་ཧོ་ཆུ་བོའི་གནས་ཚུལ་ལ་གཟིགས་པ་དང་། ཞིང་ནང་དུ་ཕེབས་ཏེ་ས་གནས་དེ་གའི་འབྲུབ་འགོག་གནོད་སེལ་དང་གནོད་འཚེའི་རྗེས་ཀྱི་ཐོན་སྐྱེད་སླར་གསོ་སོགས་ཀྱི་གནས་ཚུལ་མཁྱེན་རྟོགས་གནང་བ་དང་། གནོད་འཚེ་ཕོག་པའི་མང་ཚོགས་ལ་གཟིགས་གནང་ཡོད་པ་རེད།