ཛམ་བྷ་ལའི་རྡོ་ན་མཁའ་ལམ་རིང་མོས་མང་ཚོགས་བདེ་ལ་བཀོད།
ཡོང་ཁུངས། ངེད་དྲ་བ།
ཚུལ་ཁྲིམས་བཟང་པོ།
སྤེལ་དུས།: ༢༠༢༠ ལོའི་ཟླ་ ༦ ཚེས་ ༡༥
རྔ་བ་བོད་རིགས་ཆའང་རིགས་རང་སྐྱོང་ཁུལ་ཛམ་ཐང་རྫོང་གི་རྡོ་ན་མཁའ་ལམ་རིང་མོས་ས་གནས་དེ་གའི་ཞིང་འབྲོག་མང་ཚོགས་རྣམས་བདེ་ལ་བཀོད་པ།
རྒྱུས་ལོན་བྱུང་བ་ལྟར་ན། རྡོ་ན་མཁའ་ལམ་རིང་མོ་ནི་རྡོ་སྟོད་ཡུལ་ཚོ་ནས་ན་མདའ་གྲོང་རྡལ་བར་སྦྲེལ་ཞིང་། བུ་རྒྱས་གྲོང་པ་དང་ཨ་སུག་མ་གྲོང་པ། གསང་ལུང་གྲོང་པ་བཅས་ནས་བརྒྱུད་ཡོད་ལ། གཞུང་ལམ་གྱི་སྤྱིའི་རིང་ཚད་ལ་སྤྱི་ལེ་34ཡོད་ཅིང་། མ་དངུལ་སྒོར་ཁྲི་5000ཙམ་བཏང་ཡོད་པ་རེད། ལམ་དེ་ཁག་གསུམ་དུ་བགོས་ནས་འཛུགས་བསྐྲུན་བྱས་ཤིང་། ཁག་དང་པོ་ནི་རྡོ་སྟོད་ནས་ན་མདའ་བར་གྱི་གཞུང་ལམ་ཡིན་ཞིང་། སྤྱིའི་རིང་ཚད་ལ་སྤྱི་ལེ་21.035ཡོད་པ་དང་། བསྡོམས་པས་མ་དངུལ་སྒོར་ཁྲི་4000ཙམ་བཏང་ཡོད། སྤྱི་ལོ་2017ལོའི་ཟླ་བ་7པར་དངོས་སུ་ལས་འགོ་བཙུགས་ཤིང་། 2018ལོའི་ཟླ་བ་5པའི་དཀྱིལ་ལ་ཡོངས་སུ་ལེགས་གྲུབ་བྱུང་། ཁག་གཉིས་པ་ནི་ན་མདའ་ནས་ཨ་སུག་མ་བར་གྱི་གཞུང་ལམ་ཡིན་ཞིང་། སྤྱིའི་རིང་ཚད་ལ་སྤྱི་ལེ་10.654ཡོད་པ་དང་། བསྡོམས་པས་མ་དངུལ་སྒོར་ཁྲི་580ཙམ་བཏང་ཡོད། སྤྱི་ལོ་2015ལོའི་ཟླ་བ་7པར་དངོས་སུ་ལས་འགོ་བཙུགས་ཤིང་། 2016ལོའི་ཟླ་བ་11པ་ལ་ཡོངས་སུ་ལེགས་གྲུབ་བྱུང་། ཁག་གསུམ་པ་ནི་ན་མདའ་ནས་གསང་ལུང་བར་གྱི་གཞུང་ལམ་ཡིན་ཞིང་། སྤྱིའི་རིང་ཚད་ལ་སྤྱི་ལེ་2.65ཡོད་པ་དང་། བསྡོམས་པས་མ་དངུལ་སྒོར་ཁྲི་460ཙམ་བཏང་ཡོད། སྤྱི་ལོ་2019ལོའི་ཟླ་བ་5པར་དངོས་སུ་ལས་འགོ་བཙུགས་ཤིང་། སྔོན་རྩིས་བྱས་ན་2020ལོའི་ཟླ་བ་7པར་ལེགས་འགྲུབ་ཡོང་རྒྱུ་རེད།
