འཛམ་གླིང་གི་རིམས་ནད་གནས་ཚུལ།
ཡོང་ཁུངས། ངེད་དྲ་བ།
སྤེལ་དུས།: ༢༠༢༠ ལོའི་ཟླ་ ༤ ཚེས་ ༢༠
འཛམ་གླིང་འཕྲོད་བསྟེན་རྩ་འཛུགས་ཀྱིས་ཚེས་19ཉིན་ཁྱབ་བསྒྲགས་བྱས་པའི་གཞི་གྲངས་གསར་ཤོས་ལ་གཞིགས་ན། ཀྲུང་གོ་ཕུད་པའི་ས་གནས་གཞན་དུ་ཏོག་གསར་གློ་ཚད་ཀྱི་ནད་པའི་གྲངས་འབོར་2157158ལ་སླེབས་འདུག
འཛམ་གླིང་འཕྲོད་བསྟེན་རྩ་འཛུགས་ཀྱི་ཉིན་རེའི་རིམས་ནད་སྙན་ཞུ་ལས་མངོན་པ་ལྟར་ན། ཡོབ་གླིང་དབུས་མའི་དུས་ཚོད་ཚེས་19ཉིན་གྱི་ཆུ་ཚོད་10༼པེ་ཅིན་ཆུ་ཚོད་16༽བར་དུ། ཉིན་གོང་མར་ཀྲུང་གོ་ཕུད་པའི་ས་གནས་གཞན་དུ་ཏོག་གསར་གློ་ཚད་ཀྱི་ནད་པ་81132འཕར་ཞིང་། ད་བར་ནད་པ་2157158བྱུང་ཡོད་ལ། ཉིན་གོང་མར་ཀྲུང་གོ་ཕུད་པའི་ས་གནས་གཞན་དུ་ནད་པ་6463ཚེ་ལས་འདས་ཤིང་། ད་བར་ཚེ་ལས་འདས་པའི་ནད་པའི་གྲངས་འབོར་147909ལ་སླེབས་འདུག
འཛམ་གླིང་ཡོངས་སུ་ཉིན་གོང་མར་ཏོག་གསར་གློ་ཚད་ཀྱི་ནད་པ་81153གསར་དུ་འཕར་ཞིང་། ད་བར་ནད་ངོ་བཟུང་བའི་ནད་པ་2241359བྱུང་ཡོད། ཉིན་གོང་མར་ནད་པ་6463ཚེ་ལས་འདས་ཤིང་། ད་བར་ནད་པ་152551ཚེ་ལས་འདས་པ་རེད།