དབྱིན་ཇིའི་དབུ་བཞུགས་བློན་ཆེན་གཡོད་ཧན་ཤུན་ནད་ལྕི་ལྟ་སྐྱོང་ཁང་དུ་བསྒྱུར་བ།
ཡོང་ཁུངས། མི་དམངས་དྲ་བ།
སྤེལ་དུས།: ༢༠༢༠ ལོའི་ཟླ་ ༤ ཚེས་ ༨
ལ་པུའུ་ཡིས་ཉིན་དེར། དབྱིན་ཇི་སྲིད་གཞུང་གིས་སྔར་ན་མེད་པའི་བྱ་སྤྱོད་སྤེལ་བཞིན་ཡོད་པ་སྟེ། རྒྱལ་ཡོངས་ཀྱི་སྨན་བཅོས་ཁོངས་གཏོགས་ཀྱིས་རིམས་ནད་ལ་ཁ་གཏད་གཅོག་པའི་ནུས་པ་ཤུགས་ཆེར་གཏོང་རྒྱུ་དང་། རྒྱལ་ཁབ་ཁག་གི་སྲིད་གཞུང་དང་། མཁའ་འགྲུལ་ཀུང་སི་དང་མཉམ་ལས་བྱས་ནས། རིམས་ནད་ཀྱིས་དཀའ་ངལ་བཟོས་པའི་ཕྱི་རྒྱལ་དུ་ཡོད་པའི་དབྱིན་ཇིའི་སྤྱི་དམངས་སྔར་ལས་མང་བ་རྒྱལ་ནང་དུ་བསུ་ཐུབ་རྒྱུའི་རེ་བ་བྱེད་པ་བརྗོད་ཡོད། དབྱིན་ཇིའི་འཕྲོད་བསྟེན་པུས་ཚེས་6ཉིན་སྤེལ་བའི་ཏོག་གསར་གློ་ཚད་རིམས་ནད་ཀྱི་གྲངས་གཞི་ལས། དབྱིན་ཇིར་རིམ་བརྩིས་བྱས་ན་གཏན་འཁེལ་བྱུང་བའི་ནད་དཔེ་51608ཡོད་པ་དང་། ཉིན་སྔོན་མ་དང་བསྡུར་ན་ནད་དཔེ་3802མང་དུ་ཕྱིན་ཡོད་པ་དང་། གྲོངས་པའི་ནད་དཔེ་5373བར་མང་དུ་ཕྱིན་ཡོད་པ་མངོན་ཡོད།