ཟླ་ཚེས་སྐ་ཁུག་འཁྲིས་ཀྱི་གྲོང་ཚོ་ཆུང་ཆུང་ལ་རྣམ་པ་གསར་དུ་བརྗེ།
ཡོང་ཁུངས། མི་དམངས་དྲ་བ།
སྤེལ་དུས།: ༢༠༡༩ ལོའི་ཟླ་ ༡༢ ཚེས་ ༥
རྒྱལ་ཁབ་ཀྱིས་དབུལ་ཐར་འགག་སྒྲོལ་གྱི་སྲིད་ཇུས་ལག་བསྟར་བྱས་པ་ནས་བཟུང་། ཧུ་ར་སྨད་མ་གྲོང་ཚོའི་རྣམ་པ་ལ་འགྱུར་བ་བྱུང་སྟེ། གྲོང་ཚོའི་ནང་གི་ལམ་བུ་སྲ་ཞིང་མཁྲེགས་པོར་གྱུར་བ་དང་། ལམ་ཁར་གློག་སྒྲོན་བཙུགས་ཤིང་། ཆུ་སྦུག་ཁྱིམ་དུ་ཁྲིད་ནས་ཆུ་གཙང་མ་ཡིན་པ། རྨང་གཞིའི་སྒྲིག་ཆས་ལེགས་བཅོས་བྱུང་ལ། གནས་སྡོད་ཁོར་ཡུག་ལ་གནམ་ས་བླ་འོག་བརྗེ་བ་ལྟ་བུའི་འགྱུར་ལྡོག་བྱུང་ཡོད།
ཧུ་ར་སྨད་མ་གྲོང་ཚོ་ནི་རྒྱལ་ཁབ་ཀྱི་Aབཞི་རིམ་པའི་མཛེས་ལྗོངས་ཁུལ་ཟླ་ཚེས་སྐ་ཁུག་དང་ཁྱིམ་མཚེས་ཡིན་ཞིང་། རྒྱལ་ལམ་245ལ་ཆགས་ཡོད། ས་ཁམས་ཀྱི་གནས་ཡུལ་ལེགས་ཤིང་། གྲོང་ཚོ་ནི་རི་ཆུར་བརྟེན་ནས་ཡོད་པས་རང་བྱུང་གི་ཁོར་ཡུག་མཛེས་སྡུག་ལྡན་པ་ཞིག་ཡོད། གྲོང་ཚོ་དེས་ཟླ་ཚེས་སྐ་ཁུག་མཛེས་ལྗོངས་ཁུལ་གྱི་ཧུ་ར་སྨད་མ་གྲོང་ཚོའི་རྩྭ་ཐང་དང་ཆུ་བོ། དྭངས་གཙང་གི་མཁའ་དབུགས། དེ་བཞིན་དུ་བོད་མི་རིགས་ཀྱི་འབྲོག་པའི་འཚོ་བ་སོགས་ཀྱིས་གྲུབ་པའི་དམིགས་བསལ་ལུགས་སྲོལ་གོམས་གཤིས་ལ་བརྟེན་ནས་སྒེར་འཁོར་བཏང་ནས་ཡུལ་སྐོར་བྱེད་ས་དང་། དམངས་སྲོལ་སྣེ་ལེན། བོད་ལུགས་སྲོལ་རྒྱུན་བཟོ་ལས་སྒྱུ་རྩལ་ཐོན་རྫས་བཟོ་སྐྲུན་གྱི་ཐོན་ལས་བསྐྲུན་ཡོད་ཅིང་། མང་ཚོགས་རྣམས་རིག་གནས་ཡུལ་སྐོར་ལས་གཉེར་བྱེད་པར་བཀུགས་ཏེ། དེ་ལ་བརྟེན་ནས་ཧུ་ར་སྨད་མ་གྲོང་ཚོའི་རིག་གནས་དང་ཡུལ་སྐོར་ཐོན་ལས་ཀྱི་རིམ་པ་སྤར་ཡོད་ལ། མང་ཚོགས་རྣམས་གྲོང་ཚོ་ལས་ཕྱིར་འགྲོ་མི་དགོས་པར་ཕྱུག་པོར་འགྱུར་ཞིང་ཡོང་འབབ་འཕར་ཐུབ་པར་སྣེ་ཁྲིད་བྱས་ཡོད།