ཧུང་ཡོན་ཨ་མཆོག་གྲོང་རྡལ་གྱིས་གློག་རྡུལ་ཚོང་དོན་གསོ་སྦྱོང་སྤེལ།
ཡོང་ཁུངས། འོད་གསལ་མཚོ།
སྤེལ་དུས།: ༢༠༡༩ ལོའི་ཟླ་ ༡༡ ཚེས་ ༡༨
གསོ་སྦྱོང་བྱས་པ་བརྒྱུད། འཕེལ་རྒྱས་ཀྱི་འདུ་ཤེས་ཆེ་བ་དང་ཕྱུག་འགྱུར་གྱི་རྩལ་ནུས་ལྡན་པ། སྣེ་ཁྲིད་ཀྱི་ནུས་པ་ཆེ་བ་བཅས་ཀྱི་གློག་རྡུལ་ཚོང་དོན་རྐང་འཛིན་པ་ཁག་གཅིག་སྐྱེད་སྲིང་བྱ་རྒྱུར་ནུས་པ་ཐོན་པ་དང་། གོམ་གང་མདུན་སྤོས་སྒོས་རོང་འབྲོག་པ་མང་ཚོགས་ཀྱི་གློག་རྡུལ་ཚོང་དོན་གྱི་ངོས་འཛིན་དང་། བཀོལ་སྤྱོད། གཉེར་སྐྱོང་ནུས་པ་མཐོར་འདེགས་བཏང་བ་དང་། འབྲོག་པ་མང་ཚོགས་ཀྱིས་གློག་རྡུལ་ཚོང་དོན་ལས་གཏོད་ལ་བརྟེན་ནས་ཡོང་འབབ་འཕར་སྣོན་ཡོང་བར་སྒུལ་ཤུགས་གསར་བ་བསྣན་ཡོད། ད་ཐེངས་ཀྱི་གསོ་སྦྱོང་ལས་ཧུང་ཡོན་རྫོང་གི་འབྲོག་ཁུལ་གྱི་ཐོན་ལས་རིགས་བསྒྱུར་རིམ་སྤོར་དང་རོང་འབྲོག་པ་མང་ཚོགས་ཀྱི་ཡོང་འབབ་འཕར་སྣོན་བྱུང་བའི་ཐབས་ལམ་རྒྱ་ཇེ་ཆེར་གཏོང་བར་སྐུལ་འདེད་གལ་ཆེན་བཏང་ངོ་།།