མཚོ་སྔོན་དུ་བོད་སྨན་རྫུན་བཟོའི་གྱོད་གཞི་ཞིག་རྩད་ཆོད་འདུག
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
སྤེལ་དུས།: ༢༠༡༩ ལོའི་ཟླ་ ༩ ཚེས་ ༢
ཉེ་ཆར། མཚོ་སྔོན་མཚོ་ཤར་མིན་ཧོ་(民和)ཧུའེ་རིགས་ཧོར་རིགས་རང་སྐྱོང་རྫོང་སྤྱི་བདེ་ཅུའུ་བདེ་འཇགས་རུ་ཆེན་གྱིས་“བོད་ཀྱི་གསང་བའི་རིལ་བུ” (藏密丸)ཞེས་པའི་བོད་སྨན་རྫུན་མ་ཐོན་སྐྱེད་དང་ཕྱིར་ཚོང་གི་དོགས་གཞི་ཡོད་པའི་གྱོད་གཞི་ཞིག་རྩད་ཆོད་བྱུང་ཡོད་ཅིང་། དོགས་ཡོད་ཉེས་ཅན་མཱ་ཆེ་གེ་མོ་སོགས་མི་3བཟུང་བ་དང་། སྨན་རྫུན་བཟོ་བྱེད་ཀྱི་སྒྲིག་ཆས་3དང་། སྨན་རྫུན་བཟོ་བྱེད་ཀྱི་རྒྱུ་ཆ་དང་ཤུན་ཐུམ་100ལྷག དེ་བཞིན་སྨན་རྫུན་རིགས་30ལྷག་བཅས་རྩིས་ལེན་བྱས་ཡོད། ཞིབ་དཔྱད་རགས་ཙམ་བྱས་པ་ལྟར་ན། གྱོད་གཞི་དེའི་གྱོད་འབྲེལ་དངུལ་འབོར་སྒོར་འབུམ་གཅིག་ཙམ་ཟིན་ཡོད།
