དབྱི་ལི་ཡིས་དཀར་མཛེས་ཁུལ་དུ་རྟོག་ཞིབ་གནང་།
ཡོང་ཁུངས། ངེད་དྲ་བ།
སྤེལ་དུས།: ༢༠༡༩ ལོའི་ཟླ་ ༧ ཚེས་ ༤
ཐོག་མའི་སེམས་འདུན་མི་བརྗེད་པར་ལོ་རྒྱུས་ཀྱི་འོས་འགན་ཡིད་ལ་བརྟན་པོར་བཅངས་པ་ཞེས་པའི་བརྗོད་བྱ་གཙོ་བོའི་སློབ་གསོའི་བཀོད་སྒྲིག་གི་བླང་བྱ་ལྟར། སྤྱི་ཟླ་6པའི་ཚེས་27ཉིན་ནས་ཚེས་28ཉིན་བར། ཞིང་ཆེན་ཏང་ཨུའི་ཧྲུའུ་ཅི་གཞོན་པ། ཞིང་དཔོན་དབྱི་ལི་ཡིས་དཀར་མཛེས་ཁུལ་དུ་རྟོག་ཞིབ་གནང་།
ཁོང་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་བོད་ཁུལ་ལས་དོན་སྐོར་གྱི་གསུང་བཤད་གལ་ཆེན་ལག་བསྟར་དོན་འཁྱོལ་བྱ་ཆེད་དང་། ཆུ་གཙང་རི་ལྗང་ནི་གསེར་རི་དངུལ་རི་ཡིན་པའི་འདུ་ཤེས་བརྟན་པོར་འཛུགས་པ་དང་ལག་བསྟར་བྱེད་པ། ཐོག་མའི་སེམས་འདུན་མི་བརྗེད་པར་ལོ་རྒྱུས་ཀྱི་འོས་འགན་ཡིད་ལ་བརྟན་པོར་བཅངས་པ། འགན་འཁྲི་འཁུར་ཕོད་པ་དང་ཧུར་བརྩོན་ཆེན་པོས་བྱས་རྗེས་འཇོག་པ། ཀྲུང་དབྱང་གི་བཀོད་སྒྲིག་དང་ཞིང་ཨུའི་བླང་བྱ་དེ་རང་ངོས་ཀྱི་དོན་དངོས་དང་ཟུང་འབྲེལ་བྱས་ནས་གསར་གཏོད་རང་བཞིན་གྱི་སྒོ་ནས་ལས་དོན་སྤེལ་བ་དང་བོད་རིགས་ས་ཁུལ་གྱི་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་ངང་འཕེལ་རྒྱས་འགྲོ་རྒྱུར་སྐུལ་འདེད་གཏོང་པ་ལག་བསྟར་དོན་འཁྱོལ་མཐར་ཕྱིན་བྱ་དགོས་ཞེས་ནན་གྱིས་བསྟན། །