མཛོད་དགེས་དུས་ལས་ཡོལ་ཟིན་པའི་བཟའ་བཅའི་སྐོར་མེད་པར་བཟོས།
ཡོང་ཁུངས། ངེད་དྲ་བ།
སྤེལ་དུས།: ༢༠༡༩ ལོའི་ཟླ་ ༧ ཚེས་ ༢
རང་འདེམ་ཚོང་ཁང་དང་། བཟའ་བཅའ་སྡེབ་ཚོང་ཁང་། སིལ་ཚོང་ས་ཚིགས། གྲོང་གསེབ་ཀྱི་ཚོང་ཁང་ཆུང་གྲས་སོགས་ད་ཐེངས་ཆེད་དོན་ཞིབ་བཤེར་བྱ་ཡུལ་གཙོ་བོ་རུ་བཟུང་ནས། བྱིས་པའི་བཟའ་བཅའ་དང་། འོ་མའི་ཐོན་རྫས། སིལ་ཟས་སོགས་སུ་ཞིབ་བཤེར་ཆེན་པོ་བྱས་ཏེ། དུས་ལས་ཡོལ་ཟིན་པའི་བཟའ་བཅའི་སྐོར་གཅིག་སྡུད་ཐོག་མེད་པར་བཟོ་བའི་བྱེད་སྒོ་སྤེལ་བ་བརྒྱུད་དེ། རྫོང་དེའི་བཟའ་བཅའི་ལས་རིགས་གཉེར་བའི་ཚོང་ཁང་དང་ཐོན་སྐྱེད་ཁྲོམ་རའི་ལས་སྣེ་པ་རྣམས་ཀྱི་བཟའ་བཅའི་བདེ་འཇགས་འགན་འཁྲིའི་འདུ་ཤེས་ཇེ་ཆེར་གཏོང་རྒྱུར་ཁྲིད་སྟོན་བྱས་པ་དང་། བཟའ་བཅའི་ལས་རིགས་ཀྱི་ཡིད་རྟོན་མ་ལག་འཛུགས་སྐྱོང་ལ་སྐུལ་འདེད་བཏང་།
ད་ཐེངས་ཀྱི་ཞིབ་བཤེར་བྱེད་སྒོར་ཁྲིམས་འཛིན་མི་སྣ་78རྩ་འཛུགས་བྱས་ཡོད་པ་དང་། བཟའ་བཅའ་ཐོན་སྐྱེད་དང་གཉེར་སྐྱོང་ཚན་པ་368ལ་ཞིབ་བཤེར་བྱས་ཏེ། དུས་ལས་ཡོལ་ཟིན་པའི་བཟའ་བཅའ་སྣ་ཁ་31དང་། ཁྱོན་བཟའ་བཅའ་སྤྱི་རྒྱ་600ལྷག་མེད་པར་བཟོས།