རིག་གནས་ཀྱིས་བླ་སྲོག་འཛིན་པ་དང་ཡིད་ཆེས་ཀྱིས་ཕུགས་འདུན་སྙེག
“རིག་གནས་དར་ན་རྒྱལ་ཁབ་དར་བ་དང་། རིག་གནས་སྟོབས་ན་མི་རིགས་སྟོབས།” ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གིས་བོད་ལྗོངས་ཀྱི་རིག་གནས་འཛུགས་སྐྱོང་ལ་མཐོང་ཆེན་ཚད་མཐོན་པོ་གནང་བས། བོད་ལྗོངས་ཀྱི་རིག་གནས་འཕེལ་རྒྱས་དེ་རྒྱལ་ཡོངས་དང་དུས་མཉམ་དུ་དུས་རབས་གསར་པར་བསྐྱོད་ཡོད། རང་སྐྱོང་ལྗོངས་ཏང་ཨུད་དང་སྲིད་གཞུང་གི་ཡང་དག་པའི་འགོ་ཁྲིད་འོག བོད་ལྗོངས་ཀྱིས་རིག་གནས་ཀྱི་ཡིད་ཆེས་སྲ་བརྟན་དང་རིག་གནས་ཀྱི་རང་རྟོགས་ཆེ་རུ་བཏང་ཞིང་། “ཀྲུང་ཧྭ་མི་རིགས་ཀྱི་ཁྱད་ཆོས་ལྡན་པའི་རིག་གནས་སྲུང་སྐྱོང་བྱ་ཡུལ་གལ་ཆེན་འཛུགས་སྐྲུན་བྱེད་པའི”འཐབ་ཇུས་དམིགས་ཚད་ལ་དམ་པོར་དམིགས་ཏེ། “རིག་གནས་ཀྱི་ལས་དོན་ཆེན་པོ་བརྒྱད”ལག་བསྟར་ཤུགས་ཆེན་བྱས་ནས། རིག་གནས་ལ་བརྟེན་ནས་རང་སྐྱོང་ལྗོངས་སྟོབས་ལྡན་ཡོང་བའི་དམིགས་ཚད་མངོན་འགྱུར་ཡོང་བར་རྨང་གཞི་བརྟན་པོ་བཏིང་ཡོད། ད་ཆ། སྤྱི་ལེ་གྲུ་བཞི་མ་ཁྲི་120ཡོད་པའི་མཐོ་སྒང་གི་ས་གཞི་ཆེན་མོ་རུ། གང་སར་ཡིད་ཆེས་དང་། སྒོ་དབྱེ། སྐྱེ་སྟོབས་ཀྱི་དཔལ་རབ་ཏུ་འབར་བའི་རིག་གནས་ཀྱི་དྲི་ཞིམ་འཐུལ་ཏེ། འཛམ་གླིང་ཡོངས་ལ་བོད་ལྗོངས་ཀྱི་གཏམ་རྒྱུད་ངོ་མཚར་པོ་བརྗོད་བཞིན་ཡོད།
རིག་གནས་ཀྱིས་བླ་སྲོག་འཛིན། བོད་ལྗོངས་ཀྱིས་ཡིད་ཆེས་ཆེན་པོས་ཕུགས་འདུན་སྙེག་བཞིན་མདུན་དུ་སྐྱོད་བཞིན་ཡོད།
