རྩྭ་ཐང་ཕོ་གསར་གྱི་ཕུགས་འདུན།
ཡོང་ཁུངས། མི་དམངས་དྲ་བ།
སྤེལ་དུས།: ༢༠༡༩ ལོའི་ཟླ་ ༥ ཚེས་ ༡༧
རྗེས་སུ། བཀྲ་དོན་གྱིས་གྲོགས་པོའི་ཁ་ལ་ཉན་ནས་དམར་འཛིང་སྦྱོང་བརྡར་བྱས། བྱས་པ་ཅན་ལ་གྲུབ་འབྲས་ཐོབ་ཟེར་བ་ལྟར། 2016ལོར་མཚོ་སྔོནWKF（འཛམ་གླིང་རང་མོས་དམར་འཛིང་མཉམ་འབྲེལ་ལྷན་ཚོགས）འཛམ་གླིང་རང་མོས་དམར་འཛིང་འགྲན་རྩོད་ཐོག་བཀྲ་དོན་གྱིས་ཡང་ཤ་དོད་པའི་འཐབ་རྩལ་ལ་བརྟེན་ནས་ཐེངས་དེའི་འགྲན་བསྡུར་གྱི“WKFའཛམ་གླིང་རང་མོས་རྩལ་འཐབ་འགྲན་རྩོད་ཀྱི་སྤྱི་རྒྱ་65ཡི་གསེར་གྱི་སྐེད་རགས”གཅིག་པུ་དེ་བླངས་པ་རེད།
ད་ལྟ། བཀྲ་དོན་ཟི་ལིང་གི་ལུས་སྦྱོང་ཁང་ཞིག་གི་དྲག་རྩལ་དགེ་རྒན་བྱེད་བཞིན་ཡོད། བོད་ཀྱི་གཞས་པ་བསྟན་འཛིན་ཉི་མའི་གཞས་ལ་ཉན་རྒྱུར་དགའ་བ་དང་། ཐང་ཆེན་སྒོར་གཞས་འཁྲབ་རྒྱུར་ཡང་དགའ་པོ་ཡོད། འདི་ནི་བཀྲ་དོན་གྱིས་ལུས་སྦྱོང་ཁང་གི་ལས་རོགས་རྣམས་ལ་བཞག་པའི་བག་ཆགས་རེད། སློབ་མ་ཚོར་དྲག་རྩལ་ཁྲིད་པའི་ཞོར་ལ་བཀྲ་དོན་གྱིས་སྦྱོང་བརྡར་མང་པོ་བྱས་ཏེ་རང་ཉིད་ཀྱི་རྩལ་འཐབ་ཇེ་ལེགས་སུ་གཏོང་བཞིན་ཡོད། བཀྲ་དོན་གྱིས“ངས་སྦྱོང་བརྡར་གང་མང་བྱས་ཏེ་རང་ཉིད་ཡར་རྒྱས་བཏང་ནས་སླད་ཕྱིན་གྱི་འགྲན་བསྡུར་ལ་སྔར་བས་ལེགས་པའི་གྲུབ་འབྲས་ལེན་རྒྱུ་ཡིན”ཞེས་བཤད།