ལྷ་ཉིང་རིམ་མཐོའི་གཞུང་ལམ་གྱི་བར་ལའི་ཕུག་ལམ་དུ་རླངས་འཁོར་ཤར་གཏོང་ཐུབ་པ།
ཡོང་ཁུངས། མི་དམངས་དྲ་བ།
སྤེལ་དུས།: ༢༠༡༩ ལོའི་ཟླ་ ༤ ཚེས་ ༣༠
བར་ལའི་ཕུག་ལམ་ལ་ཆ་སྙོམས་རྒྱ་མཚོའི་ངོས་ལས་མཐོ་ཚད་སྨི་4750ཡོད་ཅིང་། དེ་ནི་ཁྲོན་བོད་གཞུང་ལམ་(རྒྱལ་ལམ་318)གྱི་ལྷ་ཉིང་དུམ་བུའི་རིམ་མཐོའི་གཞུང་ལམ་གྱི་གལ་ཆེའི་ཚོད་འཛིན་རང་བཞིན་གྱི་ལས་གྲྭ་ཞིག་ཡིན་ལ། ཕུགས་ལམ་ཕྱོགས་གཉིས་སོ་སོའི་རིང་ཚད་ལ་སྨི་5727དང་སྨི་5720ཡོད། ཕུག་ལམ་འདི་ནི་ལམ་ཐིག་ཕྱོགས་གཉིས་ཁག་དབྱེ་བའི་རྣམ་པའི་ཕུག་ལམ་ཞིག་ཡིན་པ་དང་། ལམ་ཐིག་ཧྲིལ་པོར་རིམ་པ་དང་པོའི་གཞུང་ལམ་གྱི་ཕྱོགས་གཉིས་ལ་རླངས་འཁོར་བཞི་འགྲོ་ཐུབ་པའི་ལག་རྩལ་གྱི་འཛུགས་སྐྲུན་ཚད་གཞི་སྤྱད་ཡོད། ཀྲུང་གོ་ལྕགས་ལམ་ཅུས་གཉིས་པ་དང་ཀྲུང་གོ་ལྕགས་ལམ་ཅུས་བཅུ་གཉིས་པས་ཐུན་མོང་ཐོག་དེའི་འཛུགས་སྐྲུན་བྱེད་འགན་འཁུར་ཡོད་པ་རེད།
ལྷ་ས་ནས་ཉིང་ཁྲི་བར་གྱི་རིམ་མཐོའི་གཞུང་ལམ་གྱི་ལམ་ཐིག་ཧྲིལ་པོར་སྤྱི་ལེ་400ལྷག་ཡོད་ཅིང་། དེར་ཚོད་རྩིས་བྱས་ན་ཁྱོན་མ་འཇོག་སྒོར་དུང་ཕྱུར་380གཏོང་རྒྱུ་ཡིན་ཞིང་། 2013ལོའི་ཟླ་5པར་ལས་འགོ་བརྩམས་པ་རེད།
