གཟི་རྩ་སྡེ་དགུས་སློབ་ཕྱིའི་ཞབས་ཞུའི་ལས་དོན་སྤེལ།
ཡོང་ཁུངས། ངེད་དྲ་བ།
སྤེལ་དུས།: ༢༠༡༩ ལོའི་ཟླ་ ༤ ཚེས་ ༡༥
ཉེ་ཆར། གསར་འགོད་པ་གཟི་རྩ་སྡེ་དགུ་རྫོང་གི་སློབ་ཆུང་བཞི་བའི་ནང་དུ་སོང་བར། སློབ་གྲྭའི་སློབ་མ་ཀུན་གྱིས་ནན་ཏན་དང་སྤྲོ་བ་ཆེན་པོས་པི་ཝང་རྡུང་བ་དང་ཡིག་གཟུགས་སྦྱོང་བ། རི་མོ་འབྲི་བ་དང་མིག་མངས་རྩེ་བ། མི་རིགས་ཞབས་བྲོ་སོགས་ལ་སློབ་སྦྱོང་བྱེད་ཀྱིན་འདུག མ་གཞི་དེ་ནི་གཟི་རྩ་སྡེ་དགུ་རྫོང་གིས་སློབ་ཕྱིའི་ཞབས་ཞུའི་ལས་ཀས་སློབ་མའི་བདེ་ཐང་འཚར་ལོངས་ལ་སྐུལ་འདེད་དང་། ཁྱིམ་བདག་གི་དོན་དངོས་དཀའ་ངལ་སེལ་བའི་དམངས་ཕན་སློབ་གསོའི་ལས་དོན་སྤེལ་བཞིན་པ་ཡིན་འདུག
སློབ་ཆུང་བཞི་བའི་སློབ་མའི་ཁྱིམ་བདག་ལིའུ་ཡུས་དབྱིན་གྱིས་གསར་འགོད་པར་བཤད་རྒྱུར། སློབ་ཕྱིའི་ཞབས་ཞུ་མེད་པའི་སྐབས་སུ་ང་ཚོ་ཉིན་གང་བོར་བྱིས་པའི་རྗེས་བསྙེག་ནས་འདུར་བཞིན་ཡོད་པ་རེད། ཡིན་ཡང་ད་སྐབས་ང་ཚོས་སེམས་རྣལ་ལ་ཕབ་ནས་རང་གི་ལས་ཀ་ལས་ཆོག་ལ། ལས་ཚོགས་གྲོལ་རྗེས་བྱིས་པ་བསུ་རུ་སོང་ཆོག་པས་ཤིན་ཏུ་སྟབས་བདེ་བོ་རེད་ཟེར།
