ཀྲུང་གོ་བོད་བརྒྱུད་ནང་བསྟན་སློབ་གླིང་གིས་ཚོགས་པ་སྒྲིག་འཛུགས་གནང་ནས་ཐའེ་ཝན་དུ་ཆོས་ལུགས་རིག་གནས་སྤེལ་རེས་གནང་བར་ཕེབས་པ།
ཡོང་ཁུངས། མི་དམངས་དྲ་བ།
སྤེལ་དུས།: ༢༠༡༨ ལོའི་ཟླ་ ༡༢ ཚེས་ ༡༧
ཤེས་རྟོགས་བྱས་པར་གཞིགས་ན། ཉེ་བའི་ལོ་ཤས་རིང་། ཀྲུང་གོ་བོད་བརྒྱུད་ནང་བསྟན་སློབ་གླིང་གིས་ལོ་ལྟར་སྤེལ་རེས་ཚོགས་པ་སྒྲིག་འཛུགས་བྱས་ཏེ་ཐའེ་ཝན་དུ་འཚམས་འདྲིར་བསྐྱོད་བཞིན་ཡོད། དེ་སྔོན་དང་བསྡུར་ན། ད་ཐེངས་ཀྱི་སྤེལ་རེས་ཚོགས་པའི་གཞི་རྒྱ་དང་མི་གྲངས་སྔར་ལས་མང་བ་ཡོད་ཅིང་། ཚོགས་མི་གཙོ་བོ་ཀྲུང་གོ་བོད་བརྒྱུད་ནང་བསྟན་སློབ་གླིང་གི་15ལོའི་མཐོ་རིམ་མཚན་གནས་སློབ་མ་ཡིན་པ་དང་། དེར་དགེ་ལུགས་པ་དང་། བཀའ་བརྒྱུད་པ། ཇོ་ནང་པ་བཅས་འདུས་ཡོད། སྤེལ་རེས་ཚོགས་པས་ད་དུང་ཐའེ་ཝན་དུ་སྨོན་ལམ་གསུང་བ་དང་། རྟགས་གསལ་གཏོང་བ། བགྲོ་གླེང་སོགས་ཀྱི་བྱེད་སྒོ་སྤེལ་རྒྱུ་ཡིན་འདུག