བོད་ཀྱི་རིག་གནས་ལོ་རྒྱུས་ཟློས་གར་ཆེན་མོ《འུན་ཤིང་ཀོང་ཇོ་》ཡི་ད་ལོའི་འཁྲབ་སྟོན་མཇུག་བསྡུས་པ།
ཡོང་ཁུངས། མི་དམངས་དྲ་བ།
སྤེལ་དུས།: ༢༠༡༨ ལོའི་ཟླ་ ༡༡ ཚེས་ ༦
བོད་ཀྱི་རིག་གནས་ལོ་རྒྱུས་ཟློས་གར་ཆེན་མོ་《འུན་ཤིང་ཀོང་ཇོ་》ཡི་ད་ལོའི་འཁྲབ་སྟོན་མཇུག་བསྡུས་ཤིང་། དུས་སྐབས་དྲུག་རིང་གཟིགས་མོ་བ་མི་ཐེངས་ཁྲི་210ལས་བརྒལ་བ་བསུས་ཡོད།
《འུན་ཤིང་ཀོང་ཇོ》ཡི་ནང་ལོ་ངོ་སྟོང་གི་སྔོན་དུ་ཐང་རྒྱལ་རབས་ཀྱི་འུན་ཤིང་ཀོང་ཇོས་ལེ་བར་ཁྲི་ཕྲག་བརྒལ་ཞིང་། དཀའ་བ་ཁྱད་དུ་བསད་ནས་བོད་ལ་བསྐྱོད་པའི་གོ་རིམ་བརྗོད་ཡོད། འཁྲབ་གཞུང་འདི་ནི་མིག་སྔར་ཀྲུང་གོའི་རྒྱ་མཚོའི་ངོས་ལས་མཐོ་ཚད་ཆེས་མཐོ་བའི་བོད་ཀྱི་རིག་གནས་ལོ་རྒྱུས་ཟློས་གར་ཆེན་མོ་ཡིན་ཞིང་། འཁྲབ་སྟོན་ཚོགས་ཁག་ལ་ཁྱོན་འཁྲབ་སྟོན་མི་སྣ་800ལྷག་ཡོད་ཅིང་། དེའི་ཁྲོད་དུ་95%ནི་བོད་ལྗོངས་ས་གནས་རང་གི་ཞིང་འབྲོག་མི་དམངས་ཡིན་པ་དང་། ལོ་རེའི་ཟླ་4པ་དང་ཟླ་10པར་འཁྲབ་སྟོན་བྱེད་ཀྱི་ཡོད་ཅིང་། གོ་ལ་ཧྲིལ་བོའི་ཡུལ་སྐོར་བ་མང་པོའི་གདེང་འཇོག་ལེགས་པོ་ཐོབ་ཡོད།
