སི་ཁྲོན་དང་བོད་ལྗོངས་ཞིང་ལྗོངས་གཉིས་ཀྱིས་མང་ཚོགས་ཉིས་ཁྲི་ལྷག་བཀོད་སྒྲིག་འོས་འཚམ་བྱས་པ།
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
སྤེལ་དུས།: ༢༠༡༨ ལོའི་ཟླ་ ༡༠ ཚེས་ ༡༦
གནོད་འཚེ་ཐོན་རྗེས་སི་ཁྲོན་དང་བོད་ལྗོངས་ཞིང་ལྗོངས་གཉིས་ཀྱིས་མང་ཚོགས་ཛ་དྲག་ངང་གནས་སྤོ་བཀོད་སྒྲིག་བྱས་པ་དང་། སྤྱི་ཚེས་13ཉིན་བར་མང་ཚོགས་ཉིས་ཁྲི་ལྷག་ཙམ་བཀོད་སྒྲིག་བྱས་ཡོད།
བོད་རང་སྐྱོང་ལྗོངས་ཆབ་མདོ་གྲོང་ཁྱེར་འཇོ་འདའ་རྫོང་གི་རྫོང་དཔོན་བཅོ་ལྔ་བཀྲ་ཤིས་ཀྱིས་སྤྱི་ཚེས་13ཉིན་ངོ་སྤྲོད་གནང་བར། ཆུ་ཁ་དམའ་རུ་སོང་བའི་དབང་གིས་སྤོ་ལོ་ཤང་གི་གནས་སྤོ་བྱས་པའི་གྲོང་མི་ཁག་གཅིག་ཁྱིམ་དུ་བལྟ་བར་འགྲོ་རྩིས་བྱས་ཀྱང་ལས་དོན་མི་སྣས་བཀོད་སྒྲིག་ས་ཆར་ལོག་དགོས་པའི་ཁ་ཏ་བསླབ་བྱ་བྱས་ཡོད་པ་རེད།
མིག་སྔར། སི་ཁྲོན་དཀར་མཛེས་ཁུལ་གྱིས་ཉེན་ཁ་ཆེ་བའི་ས་ཁུལ་གྱི་མང་ཚོགས་ཆིག་ཁྲི་སྟོང་མེད་526གནས་སྤོ་བྱས་ཟིན་ཡོད། བོད་ལྗོངས་ཆབ་མདོ་གྲོང་ཁྱེར་གྱིས་མང་ཚོགས་ཆིག་ཁྲི་3637བཀོད་སྒྲིག་འོས་འཚམ་བྱས་ཡོད། སྤྱི་ཚེས་13ཉིན། སྟབས་བསྟུན་དོ་དམ་པུས་གནོད་འཚེ་ཕོག་ཁུལ་དུ་གུར་7000དང་། སྲིང་བལ་གྱི་སྟོད་ཐུང་སུམ་ཁྲི། ཕོ་ཁེབས་ལྔ་ཁྲི། སྟབས་བདེའི་ཉལ་ཁྲི་5000སོགས་ཀྲུང་དབྱང་གི་གནོད་སེལ་དངོས་ཟོག་སྤྲད་དེ་གནོད་འཚེ་ཕོག་པའི་མང་ཚོགས་བཀོད་སྒྲིག་དང་བར་བརྒལ་རང་བཞིན་གྱི་འཚོ་བའི་ཐད་འགན་སྲུང་བྱས་ཡོད་པ་རེད།