ཀྲུང་གོའི་ས་བབ་མཐོ་ཤོས་ཀྱི་རི་མཚོ་སྐོར་བའི་འགྲན་བསྡུར་བོད་ལྗོངས་མངའ་རིས་སུ་སྤེལ་བ།
ཡོང་ཁུངས། མི་དམངས་དྲ་བ།
སྤེལ་དུས།: ༢༠༡༨ ལོའི་ཟླ་ ༩ ཚེས་ ༡༢
ཤེས་རྟོགས་བྱུང་བ་ལྟར་ན། མ་ཕམ་གཡུ་མཚོ་སྐོར་བའི་རྐང་འཁོར་བྱེས་བགྲོད་འགྲན་སློང་འགྲན་བསྡུར་དེ་ས་བབ་མཐོ་ཚད་སྨི་4600ལས་བརྒལ་བས་ད་བར་ཀྲུང་གོའི་ས་བབ་མཐོ་ཤོས་ཀྱི་བྱེས་བགྲོད་མཚོ་སྐོར་འགྲན་བསྡུར་ཞིག་ཡིན་པ་དང་། འགྲན་བསྡུར་བྱེད་ས་དེ་ཀྲུང་གོའི་གནས་མཚོ་གསུམ་གྱི་གྲས་མ་ཕམ་གཡུ་མཚོ་ཡིན་པ་རེད།
ངོ་སྤྲོད་བྱས་པར་ཞིག་ན་། མཚོ་སྐོར་འགྲན་བསྡུར་ལ་སྐྱེས་པའི་ཚོ་ཆུང་དང་བུད་མེད་ཀྱི་ཚོ་ཆུང། ཚོགས་པའི་ཚོ་ཆུང་བཅས་ཡོད་ཅིང་། སྤྱི་ལེ་56གི་དུས་བཀག་འགྲན་བསྡུར་གྱི་ལམ་བུ་དང་། འགྲན་མཇུག་ལམ་བུ་སྤྱི་ལེ་42བཅས་ལམ་ཧྲིལ་པོར་སྤྱི་ལེ་98ཡོད། འགྲན་བསྡུར་ལམ་ཐིག་ནི་བོད་རིགས་མང་ཚོགས་ཀྱིས་ལོ་ངོ་སྟོང་ཕྲག་རིང་སྤྱད་པའི་སྲོལ་རྒྱུན་གྱི་གནས་འཇལ་འགྲོ་ལམ་ཡིན་པ་དང་། དེ་ནི་རང་བྱུང་ཡུལ་ལྗོངས་མཛེས་ཤིང་། ལམ་ཧྲིལ་པོ་རླབས་སྔོན་ཡམ་ཡོམ་དུ་གཡོ་བ་དང་། གངས་རིས་སྐོར་བའི་མ་ཕམ་གཡུ་མཚོའི་མཐའ་འཁོར་དུ་སྤེལ་བས། བོད་རང་སྐྱོང་ལྗོངས་ཀྱི་ལྗོངས་ཕྱི་ནང་གི་འཐུས་མི་རུ་ཁག་7གྱི་འགྲན་ཞུགས་པ་28ཀྱི་འགྲན་བསྡུར་ནང་ཞུགས་ཡོད།
